سلسلة رمضان : يوميات راضية (الحلقة 4 والأخيرة)

من طرف

يااااااااااااااااااااااااه، الوقت شحال كايطير يالاه قلنا بسم الله وبديت نعرفكم وتعرفوني وبديت نشكي ليكم حماقي فحال لي راكم عائلتي وكانعرفكم. والصراحة ولفت كل جمعة نكتب ليكم، ولكن كل حاجة عندها نهاية، بلحق ماتخافوش أنا معايا ماكاين هي النهايات الزوينة واخا كانعورها مرة مرة، ولكن كلشي كايتصلح فاللخر.

سلسلة رمضان : يوميات راضية (الحلقة 3)

إيوا فين بقينا الجمعة الفايتة، أصحابي وصحاباتي بقينا فاش مشيت نجيب لما لجدة وتلفت عليها إيوا تما صافي أنا فاش تقاضاو ليا ومابقا قدامي إلا حل واحد وهو نعيط للواليدة هي ليكاتعرف كاع البلايص لي فالسويقة وحسن مني فهادشي واخا هاناكل عليها سلخة، ولكن جدة يهون عليها كلشي.

radia_ep4

أنا هي جبدت التلفون نعيط ويد تحطات فوق كتفي وسمعت راااااااضية، تخلعت واحد اليد كبيرة ولكن قبل ماندور حسيت بيها يد مألوفة عندي وحنينة واخا نزلات عليا كي الخباطة… ااااااااااااااااااااااه باااااااااااااااااااااابا، ماتشوفوش شحال فرحت ديك الساعات جابو الله ونزلو ليا من السما كي الملاك، درت عندو وعنقتو وبديت نبكي، كلشي تجمع عليا الفرحة والخوف وكلشي، وهو يشدني قاليا ويلي راضية مالكي ا بنتي عمري شفتك فهاد الحالة وانا نعاود ليه كلشي. قالي صافي هادشي علاش كاتبكي واعرفتو شكون، راه الواليدة ديما كانت كاتمشي عندو ومن زمان أجي أجي معايا أنا نديك راه أبنتي هي مع الظلام تلف عليك ولكن بشرط واحد، قلت ليه أما هو وبديت نمسح دموعي حيت حسيت صافي المشكل تحل، قاليا ماماك أبنتي غاديا طلبي منها السماحة هي كاتقسح معاك ولكن راه واخا هاكاك راه ما تهونيش عليها، قلتليه أبابا واهيا ديما قاسحة معايا أنا عارفة راسي ديما طايحة فالمشاكيل ولكن دابا نكبر ونعجبك، بقا بابا كايضحك، قاليا موحاااااااال واش نشوف داك النهار هههههههههه نتي يا الحميقة بنتي وحبيبتي لا نتي ولا رحاب بجوج بيكم واخا تكبرو هاتبقاو الصغيورات ديالنا، ويالاه باراكا من البكاء وزيدي نشريو لجداك الماء تلقاها شحفات هههههههه.

إيوا صافي مشنا لقيت جدة مامسوقاش ليا نهائيا هههههههههه مجمعة ومامسوقاش ليا وهي دور وتقول ليا وا ااااااري داك الماء على سلامتنا وباباك حتى هو هنا، ويلي فين كنتو بجوج. جاوبناها دقة وحدة : “قصة طويلة أ الحاجة” وبدينا نضحكو ههههههههههه.

المهم رجعنا للدار ومنين قربنا نعسو كلشي مشا لبيتو وانا خرجت للكوزينة نجيب لما لقيت ماما واقفة حتا هي كاتعمر فالما، وانا نستغل الفرصة وعنقتها وقلت ليها سمحي لي، قالتلي مالكي دابا، قلتليها سمحي ليا على الحماق ديالي والمشاكل ليكانطيحك فيها وانت دابا ماكاتهدريش معايا ولكن انا مانقدش نشوفك مقلقة عليا، نتي باغاني فحال جميع البنات، نكون مثالية ولكن ربي خلق كل واحد والطباع ديالو كيف ما أنا فيا شي حوايج بنت وحدة اخرى ما تلقايهومش فيا وهي تجرني قالتلي وشناهما بالسلامة : قلت ليها مثلا أنا كانحماق عليك واخا مقسحة معايا ديما، وهي ترد عليا : وا الهبيلة انا كاندير هادشي لمصلاحنك وباغاك طلعي بنت مرزنة ومتبتة ومحصنة، ولكن ا بنتي هادشي ماكامنعش اني كانبغيك راكي بنتي وكبدتي وكاين شي حد كايسخا بالكبدة، وانا نبدا نبكي بالفرحة فلت ليها بصح ؟  وهي تجي رحاب : هههههههههههههاي هههههههههههههاي كاتعانقو بلا بيا انا جايا خليو ليا بلاصة، وجات كاتجري وعنقاتنا حتا هي، وهي دور عندي ماما (واهاد المرة كانقول ليها ماما حيت حنينة معايا هههههههه) إيوا وهي تشدني من حناكي وباستني وباست رحاب حتى هي وهي تقول لينا نتوما بناتي واخا نقسح معاكم عمري ما نفرط فيكم.

النهاية.

للأسف ماكاينش هاد المرة داك الجملة (ترقبوا الحلقة القادمة …) وماسخيتش بيكم وماتنساوش راضية  الحماق ديالها، وعيد سعيد يدخل عليكم بالصحة والعافية (ويلي ويلي على راضية والصوابات ههههههههه).

أعيش اليوم على أنه أخر يوم في حياتي فان لم يكن اليوم سيكون غدا.

مقالات لكل زمان

2 أغسطس 2016

10 أسباب ستشجعك على الزواج من مغربي

20 مارس 2017

8 عبارات غير منطقية من الدارجة المغربية

22 سبتمبر 2016

للفتيات : 7 طرق 'ذكية' للبحث عن عريس مثالي

23 يونيو 2015

يوميات هربان في رمضان |الحلقة 3| -أكادير: الجزء الثاني

4 مايو 2015

هناك نوعان من الناس في هذا العالم، أيهما أنت؟

1 مارس 2017

10 أشياء التي تجعل من لالة سلمى أميرة قلوب المغاربة

1 أبريل 2017

6 ألعاب بنات استمتعنا بها في صغرنا

24 فبراير 2017

10 حقائق تجعل منك طالباََ جامعياً في المغرب

11 أكتوبر 2015

5 حقائق يجب على كل مدمني Nutella معرفتها

18 أبريل 2017

10 أسباب تجعل من إفران أجمل مدينة مغربية

مغربي يُرقِص أمريكيين على إيقاعات موسيقى الشعبي

أغنية 'هاك أماما' بصوت أسماء لمنور

ماذا إن كان كبور أحد المشاركين في مهرجان موازين ؟

سلسلة رمضان : يوميات راضية (الحلقة 4 والأخيرة)

من طرف مريم بلعربي