في المقهى المغربي: السياسة بلسان الشعب المغربي

من طرف يوم 23 مارس 2017 على الساعة 21:50

في المقهى المغربي هي سلسلة سنناقش بها مختلف المواضيع التي تهم الشارع، لكن هذه المرة ليس من منبر أكاديمي معترف به حاصل على عديد الجوائز والدبلومات، بل من وجهة نظر مواطن بسيط يجلس على طاولة مقهى شعبي ويناقش رفيقه مختلف المواضيع مع احتسائهم لكأس من القهوة لا يتجاوز سعره 6 دراهم في أحسن الأحوال.
صديقانا يكدسان الجرائد بعد تصفح صورها فقط وينطلقان في حديثهما عن السياسة:

1. بنكيران


“أودي راجل مزيان داك السيد، أنا بعدا غادي نتوحشو، جراو عليه بالزربة، بغا يعاون بغا يصلح بغا يبدل، ولكن هادوك ماخلاوهش. الحاصول حتى إيلا ما دار والو المهم ما تايشفرش.”

2. العثماني


“أنا بعدا عمري ما سمعتو تا يهدر، ديما تانشوفو غي حدا صاحبو بنكيران ولكن دوز على الواد الهرهور ومادوزش على الواد السكوتي جالوها سيادنا. قالك أحقا ما حقا راه طبيب نفساني، أودي مزيان ملي هو طبيب ديال الحماق أنشوفو واش غايقد يداويلنا هاد الحماق لي فهاد البلاد.”

3. شباط


” غي سيكليس، شد ديك فاس شي عشر سنين ما شفنا منو والو، شفنا غي الشفارة ولاو فكل بلاصة وفين ما هزيتي راسك المافيا ديال العساسا دالباركينات مشتتين، حتى دوك 2 مصانع لي كانوا خدامين طرقوا ومشاو ولكن ما تخافش عمرو ما يحكم حيت ما قاريش وأصلا فين ما يهدر دايرنا الصداع، ما عندك ما دير قالهالوا بنكيران الهبيل دفاس.”

4. العماري


“أخويا النوار فالنوار، ما عرفنا داك السيد كي دار خرجلينا، كنا جالسين ما علينا ما بينا حتى خرج وولا رئيس حزب، شفتي داك الفيديو ديالو المغرب جبل… أودي الله يعفو وصافي.”

5. لشكر


“غادي وتايتشدق، مشااااااات الوردة ضاعت. ايييه يا يام اليسار مع بنبركة وبوعبيد وصحابهم، شوف دابا الوردة كي ولات، لا استقلال ولا اشتراكيين ما بقاو نافعين، جاع القدام ماتوا.”

6. منيب


“تاتعجبني داك السيدة، تاتجيهوم كود، معندهاش مع لغة الخشب والهدرة الخاوية وداكشي، تاتجي تاتقولهوم داكشي لي كاين نيشان. ولكن تانحس بيها عاجبها راسها، تواضع معانا شوية، إيلا تانبغيو بنكيران غي حيت تايهدر معانا بالساهلة ماتايصعبهاش.”

7. أخنوش


“لو كان بقا غي فالتجارة ديالو حسنلوااا. كان وزير معين خدام مزيان ما تايهدر معاه حد، دابا ايدخل معاهم لداكشي ديال السياسة والأحزاب والنقابات وماكاين غي شدلي نقطعلك.”

8. ساجد، بن عبد الله، مزوار…


“هادوك الناس غيييييي منشطين معاهم البطولة، تايعمروا بيهم التقابي ما فيدهمش.”

9. حصاد


“أخويا كاين حكومة وكاين الداخلية. داك الوزارة ما تايشدها غي اللي بغاو ما كاين لا انتخابات لا والوا، كيان اللي تايبغيوه تايطلع تما.”

10. شكون هوما؟


“نوض نوض مشيو فحالنا، عاش الملك.”

إنسان قبل كل شيء، رأيت نور الحياة لأول مرة فوق رمال السعودية الحارقة ثم حططت الرحال بالمغرب، طالب طب في صباحي، باحث عن أدب وسياسة وتاريخ في مسائي، عجمي اللسان، عربي الريشة، قلمي من إنسان لإنسان من أجل حياة كريمة لكل إنسان.

مقالات لكل زمان

المدرسة المولوية: مصنع أولياء العهد والنخب الحاكمة

6 هجومات التي تتعرض لها الفتيات المشجعات لكرة القدم في المغرب

8 أشياء غريبة تحدث عندما تتزوج محامية بشرطي

ماذا لو كان Harvey Specter مغربياً؟

10 أشياء تميز 'كونترولور' الطوبيس المغربي

معاناة المغاربة مع أصحاب 'الطاكسيات الصغيرة' في 10 نقط

هاديك اللحظة فاش... : 15 صورة لأشخاص وقعوا في مواقف لا يحسدون عليها

سلسلة رمضان : يوميات راضية (الحلقة 1)

9 أسباب ستجعلك تفكر في قضاء فصل الشتاء بمراكش

أهم 10 مهرجانات المملكة وأكثرها إحياءاً لثقافثنا وحضارتنا