10 من أبرز ما أبدعت السينما المغربية

من طرف

رغم الضعف المغربي في مجال الأفلام وقلة الاهتمام بالسينيما المغربية، والممثلين بالخصوص، إلا أنه قدم لنا أفلاما بقت راسخة في ذاكرة عدد كبير من المغاربة. أغلب هذه الأفلام تميزت بدور فكاهي ممتاز وإتقان بعض الممثلين لأدوارهم، وكذا فكرة وسيناريو في محلهما. (مانقدوش نقولو نهاية زوينة، راكم عارفين النهايات المغربية.)

1. الكبش

نسبة قليلة بزاف ليماشفتش هاد الفيلم، الحاج لي كادابز هو وواحد على الانتخابات، قرر باش يدير فرقة ديال الكورة باش ينافسو بيها. الفرقة ليكايدربها لانغوست، والعميد ديالها الأسطورة الدكالي، لي كايدبزو مع شرويط على بنت الحاج. المهم الفيلم كامل فيه الماتش والحكم.

0

2. طرائف أصدقاء

واحد الشاب سميتو يوسف، بلومبي، قرروا صحابو يديرو ليه مجموعة من المقالب، وأبرزها من لي جابو ليه بنت زوينة على أساس أناهو يعاونها. البنت جابت معاها بزاف ديال المشاكل. ‘ناري مي ويلي لا ‘ !

hqdefault

3. كازانيغرا

الفلم للكبار فقط، واخا شافوه الدراري صغار ماشي مشكل. الفيلم كايعاود على جزء من الواقع الليلي في كازا. واحد ماقراش وخاصو يدبر فلوس باش يعيش عائلتو وباه المشلول، ولاخر كايحلم بالسويد، لي معدبو راجل مو كل نهار، الأمر ليكياخليهم يديرو أي حاجة باش يجيبو ‘عمر’، داكشي علااش خدموا عند زريرق. ‘hello hello my name is zrirk’

4. المكروم

واحد  المراكشي زقرام عندو ثلاثة ديال الدراري وماباغيش يختن ولدو الكبير. عندو حانوت كايبيع فيه الملابس الداخلية النسائية. واحد النهار جاتو سلعة لقا فيها صاك ديال الدوفيز، الأمر لي خلاه يعيش عالم في النهار مع الحبيبة ديالو الجديدة، وبليل في النعاس فدارو … ‘ الطاجين ا فاتي ازا سانك سانك’.

hqdefault

5. ولد امو

فاكتور باقي كايعيش تحت الظلال ديال امو، هي لي كاتحكم فيه فكلشي. بغا يكمل دينو ويتزوج، ماطاح غا فبنت الجزار. الفيلم فيه مجموعة من الطرائف وقعات قبل مايتزوج …! ‘اويلي تا جنون طمعوا ليا في الولد ! ‘

hqdefault

6. الخطاف

واحد الشاب عندو أخ و أخت و أم، تايدير خطاف باش يعيشهم، في المغامرات اليومية ديالو طاح معا الزوجة السابقة ديال واحد الشخص كبير من العصابات بين المغرب ومصر، هاد الزوجة تابعينها تاهيا، وخدمات معاها الخطاف يعاونها.

7. Zero

ماشي بزاف ليشافوه، يالاه خرج في يوتوب مؤخرا. فيلم تايحكي على واقع كاين في المغرب ولكن مخفي: استغلال النفوذ، الدعارة، الفساد في الشرطة… زيرو بوليسي من ضحايا الشخصيات الكبار، قرر باش يعاون واحد الامراة باش تلقا بنتها لي خداتها هاد الشبكة باش تخدم معاها. زيرو قرر ينتقم من جميع رؤوس لي كانت ضدو. ‘ينعل بو العالام’.

8. البانديا

هدا شفار معروف عند البوليس، لقاها واحد الراجل كايتكفل بواحد الفيلا ديال واحد الشخص مختفي هو وختو، ماباغيش واحد جوج يزربو على الورث ديال الثروة ديالهم، داكشي علاش جاب هاد الشفار للفيلا حيت كايشبه للاخ المتخفي وويوهم الأخت بلي هوا خوها باش يستوليو على صروة ديالها. ‘ديدي’

9. علي زاوا

علي واحد الطفل كايحلم يكون بحار ويعيش فجزيرة بوحدو، هو طفل متشرد في مدينة كازا، خرج من العصابة ليكان فيه، ودار جوج صحاب. علي قتلوه عصابة المتشردين، فكان على الصديقين يديرو ليه جنازة كاتليق بيه. تميز الفيلم بأنه جاب أغلب الدراري غير من الأحياء ومن ملجا للاطفال المشردين. ‘فيها يدي ممدوة لي، فيها قلبي لي يبغيك’.

10. الحي الخلفي

واحد الراجل كبير في السن، قمار وسكايري، ساكن فدار شعبية. عندو ولد كيعيطو لو ‘المش’، شفار كبير، بنتو خدامة باغا تزوج، وبنتو واحدة خرى باغا غير وقتاش تحرك. كاري لوحدة مطلقة كاتخدم بليل، ديما مصادعين بيناتهم في جو قريب للعائلة المغربية لي كاين منها بزاف. ‘ ونتي عندك الملاين ومخبياهم عليا’.

hqdefault

11. القسم رقم 8

تايحكي قصة واحد جوج ديال المشاغبين في قسم الباكالوريا، ماكاتهمش القرايا، غا البسالة والمخدرات. واحد الأساتذة ديال الفرنسية جديدة طاحت ضحية ديالهم. الفيلم تايحكي على قصة ديالهم كل واحد فعالم ديالو. ‘ الحلوة دي … كوكوكو !’.

 هادو غير شوية من بزاف ديال الأفلام المغربية لي خلات بلاصتها فنفوسنا.. ومزال إكس شمكار، ماروك، الماكينة، علال القلدة …

طالب بالاقسام التحضيرية , شغوف كرة القدم و الراب المغربي , احب التدوين و الكتابة عن كل شيئ .

مقالات لكل زمان

7 يناير 2017

8 أشياء لن تجدها إلا في كرة القدم المغربية

15 مارس 2016

أقوال بنكيرانية : أشهر مقولات بنكيران منذ توليه منصب رئيس الحكومة المغربي

14 يناير 2017

24 علامة التي تجعل منك مكناسي حقيقي 'قح'

28 مارس 2017

8 أفلام مترجمة إلى الدارجة المغربية من أيام الزمن الجميل

31 مايو 2017

8 طرق فعالة للقضاء على التعب والكسل في شهر رمضان

21 مارس 2017

ماذا لو كان Harvey Specter مغربياً؟

18 فبراير 2017

11 علامة التي تجعلك في علاقة مع مختل عقليا

19 مايو 2016

10 عناصر أساسية يجب أن تضعها في حقيبتك قبل ذهابك للتخييم

1 يونيو 2017

مشاهير مغاربة كان بإمكانهم التمثيل في مسلسل Game Of Thrones

22 يونيو 2017

5 عناصر أساسية يجب على العروس اجتنابها قبل موعد زفافها

مغربي يُرقِص أمريكيين على إيقاعات موسيقى الشعبي

أغنية 'هاك أماما' بصوت أسماء لمنور

ماذا إن كان كبور أحد المشاركين في مهرجان موازين ؟

10 من أبرز ما أبدعت السينما المغربية

من طرف عبد الرحمان اݣرانة