يوميات هربان في رمضان |الحلقة 1|

من طرف

هربان في رمضان

message N° 1

Jawad faïz <[email protected]>

To :[email protected]
17 juin 2015 20:05

 

السلام عليكم، سميتي العربي، هاد الإسم مجرد إسم مستعار لأسباب غادي تعرفوها من بعد. إلى وصلاتكم هاد الرسالة، فهذا كايعني أن الصديق ديالي جواد (إسم مستعار أيضا) تمكن يتصل بيكوم، وأن كل شيء تحت السيطرة.
أنا، وأعوذ بالله من قولة أنا، أستاذ ديال الماط في السلك الثانوي بمنطقة شعبية، ولكن مدبّر على راسي وحامد الله. كانزيد السوايع الإضافية للناس، كانعطي الدروس في واحد المدرسة خصوصية، أيضا كاندير المراجعة عند الكليان فالدار بعض المرات، واللي غالبا ما تايكونو ناس بوكو حبة ولعاقة. الموهيم، عايش فوق السلك. الموشكيل، هو فيا واحد البلية، كانسكر وكانكمي، والنفحة عندي بحال القهوة، أما الحشيش ضرورة عندي فالحياة. غادي تقولوا ليا نتا كبير وخاصك تقطع وما خاصك تا خير، أنقوليكوم، هادي غا هدرة حيت نتوما ما عارفينش كيفاش كبرت، طيش الصغر كايخلي الأثر ديالو فالكبر.11543093_10200730099453014_112596966_oعلاش مصدع ليكوم راسكوم ؟ حيث باغي نخوي قلبي، حياتي تقلبات، وخرجوا ليا شي بلانات عمري كنت عوال عليهوم. بدات الحكاية ملي مشيت  فالبدية ديال الدورة الثانية من هاد السنة الدراسية عند واحد الكليان، ضبر لي فيه واحد الزميل ديالي فالخدمة، باش نخدم معا بنتو الماط. كولشي كان غادي هوا هذاك، من بعد كانكتاشف بلي هاد السيد بارون كبير ديال لحشيش والمخدرات من الشمال. أنا كنت تانمشي عندو باش نعاون ليه بنتو ونقريها، تالواحد المرة لقيت راسي تحت تهديد السلاح وبنادم قد الحيط كايآمرني باش ندبر ليهوم فورقة د الرياضيات ديال الباك، حيت بنتو ماكاتفهم فيه والو. حاولت نشرح ليهوم بلي ماعنديش أي دخل فالباك، ولا الناس لي كايصايبوه، وأنني مستعد نخدم فابور باش نشرح للبنت، لكن مابغاش يتفاهم، وبدا يهدد أنه يقتل ليا العائلة ديالي. مالقيت كيندير ورضخت للطلبات ديالو. دازت أيام وانا كانخطط، وحيت عندي دكتوراه فالرياضيات وباقي تانقوم بالأبحاث، قدِّيت نخشي راسي مع اللجنة اللي كاتقاد الامتحانات، وجدناه ومين سالينا، صوّرت لوراق د الباك (أنعاود ليكوم كيفاش من بعد)، عطيتها لبنتو وكولشي كان مزيان. صحاب ليا تهنيت صافي، حتى لقيتها محطوطة فالفايسبوك. التصويرة للي صورت وصلات لتقريبا كولشي، الدنيا كحالت ليا ف عينيا. البوليس وصلوا لأنهم يعرفوا أنني أنا المسؤول، وبارون المخدرات كايقلب عليا، حيت خايف نجبد سميتوا. لقيت راسي بين مطرقة البوليس، وسندان المافيا … شنو ندير ؟  انا غا هربان ف رمضان …

 


(القصة خيالية، كل تشابه في الأسماء أو الأحداث نابع من الزهر للي كايهرس الحجر، وشكرا.)

السيناريو نتيجة عمل ثلاثة محررين : رضوان، يونس وأسامة.

طالب علم ... شغوف بالفن، الموسيقى و المطالعة... انساني و مدون في سيرة أتعس السجناء. أحلم بعالم بدون ظلم، فقر، شقاء و جوع... سيتحقق هذا يوما ما بفضل أبطالي و منقدي اللإنسانية : العلماء.

مقالات لكل زمان

19 أبريل 2015

5 من الكواكب الموجودة التي لم يتفق عليها العلم

12 سبتمبر 2016

اكتشف 10 صور ستمحي من ذاكرتك فصل الصيف

10 يونيو 2015

10 صورة توضح روعة وجمال المحيطات حول العالم

18 مارس 2017

شهر المرأة: فاطمة الفهري، المرأة التي أسست أول جامعة في العالم

6 يناير 2017

10 أفعال تميز الآباء المغاربة

2 أغسطس 2016

10 أسباب ستشجعك على الزواج من مغربي

15 أكتوبر 2015

فنانة تستخدم أعواد الثقاب بطرق فريدة ومذهلة

18 مارس 2017

عبد الحليم حافظ وعلاقته القوية بالملك الراحل الحسن الثاني في 6 نقاط

2 مايو 2015

22 علامة تجعل منك رجاويا حقيقيا

7 يناير 2016

4 طرق لتسافر مجانا حول العالم، بل وتتلقى مرتبا على ذلك

مغربي يُرقِص أمريكيين على إيقاعات موسيقى الشعبي

أغنية 'هاك أماما' بصوت أسماء لمنور

ماذا إن كان كبور أحد المشاركين في مهرجان موازين ؟

يوميات هربان في رمضان |الحلقة 1|

من طرف أسامة اعقيقب