يوميات هربان في رمضان: سباتة 04 |الحلقة 6|

من طرف

هربان في رمضان

message N°6

Jawad faïz <[email protected]>

To :[email protected]
29 juin 2015 20:05

السلام عليكم، هاذ المرة مامسيفطش ليكم ميساج من عند لعربي، هاذا ميساج أنا اللي كاتبو وباغي نوضح فيه بزاف ديال الحاجات، ونشرح لڭاع الناس اللي متبعين القصة كيفاش تا وصلنا لهاذ التعقيد كامل.

لأسباب أمنية عاتعرفوها فهاذ الميساج نيت ما عانعطيكمش ڭاع التفاصيل على حياتي الشخصية، داكشي لاش عانعاود ليكم واحد القصة داز عليها عام اللي عاتستنتجوا بيها بزاف ديال الحاجات بلا مايعرفني تاحد فين كاين دابا ولا شكون أنا.

لمن فاتته الحلقة الخامسة: يوميات هربان في رمضان |الحلقة 5|

أنا شاب مولع بالتكنولوجيا والأرقام من كنت صغير، عصامي وتعلمت عا بالقراية والسيبير فالتسعينات كيفاش نفك مشاكل صعبة كاتخلط بين الماث والريزو. واحد العام جاب ليا العربي كتاب على “ألان تورينج” وقاليا را عايعجبك واحد الدومين سميتو الكريبطوغرافي.
هذاك الكتاب غير ليا حياتي وبقيت مدين للعربي واخا كان راجل مامزيانش ومبلي.
تعمقت بوحدي فالكريبطو وتعلمت بزاف ديال لغات البروچراماسيون، تا طلع ليا النيفو بالجهد ووليت كان صاوب ريزوات سيكوريزي مزيان وصعبة الاختراق، ولكن حيث كنت برهوش بغيت تانا نبدا نهاكي فالسيتات ديال عباد الله، كان سيت مورا سيت كايتحطم حدا التقنيات دياولي، تا لواحد النهار فين طاحت عليا واحد الفكرة خطيرة: نبدل النقطة ديالي ديال الجهوي، حيث ماكانش عندي معا المواد الأدبية باش نضمن الأقسام التحضيرية.

دوزت شهرين وأنا كاندرس السيت وكيفاش نقدر نزرب على شي حد كايدخل النقاط ولا ندخل “لا باز دودوني” نيت، الناس ديك الساعة كانوا كايوجدوا للباك وأنا ضارب الباك بركلة عارف راسي نجيبوا عا بالضحك. تالواحد الليلة وأنا كانشرب واحد الكويس ديال آتاي مليح، لقيت واحد الثغرة باسلة واخترقت السيستيم، شحال ضحكت ذاك النهار.. تهليت فراسي فالعربية والتربية الإسلامية وزدت نقيطة فالاجتماعيات.
هاذيك النقيطة اللي فهمت من بعد أنها خرجات عليا.
كان عندهم فاللوجيسيل واحد البلاصة كاتقيد تاريخ التغييرات، وشي واحد شاف داكشي تزاد فخطرة ومشا قلب على الورقة ولقا داكشي غالط. القضية دخلات فيها الشرطة العلمية وكلفوا واحد المجموعة رقمها سري، باش مانبقاش نعاودها نسميها ليكم “المجموعة ثمانيتون”، هاذ المجموعة فيها المخاخ ديال المغرب فالانفورماتيك، حيث الباك ملي كايتلعب بيه كايخلوض دولة على قدها. لقاوني بسهولة وأصلاً أنا مول الورقة، وهنا فين صافي سالا مستقبلي وما بقا عندي مخرج، وهوما حيث ما خلاو ليا والو بززوا عليا نخدم معاهم ولا الحبس.
هانتوما فهمتوا لاش عارف كلشي على البوليس وعلى عصابة المخدرات ومسكين لعربي ماعارف والو.
كون بغات المجموعة ثمانيتون تشد العربي كون شداتو من نهار بات عند الحسين، كان طالع ليهم الدم حيث شحال وهوما حاضين الناس ديال تسريبات فالفايسبوك ولكن خرج ليهم لعربي من الجنب.

فالوقت اللي عايكون وصلكم فيه الميساج عانكون مشيت من سباتة 04 حيث كانبدل الموقع تاعي كل سيمانة، ولفت شارع الشجر واخا فيه الصداع  شابع مضاربات فرمضان. أصلاً صعيب تلقا شي واحد لا كان مخبي فالدروبا المغبرين ديال سباتة وعاد ماكانستعملش الريزو الزين ديال تم، كاندوز بتقنياتي الخاصة للانترنت وكانستعمل “طور” باش ما يتتبع حد التحركات تاعي.

11655840_10200762525023633_759218839_o
علاش لعربي باقي مطلوق؟
حيث أنا اللي قلت ليهم را عايجيب ليكم بارون المخدرات على رجليه (وحيث ما نسمحش ليهم يحطموا الحياة ديال لعربي).
دابا أنا اللي مكلف بالعربي وواحل فيه..
العصابة را عارفاه فمراكش..

يتبع ..


(القصة خيالية، كل تشابه في الأسماء أو الأحداث نابع من الزهر للي كايهرس الحجر، وشكرا.)

السيناريو نتيجة عمل ثلاثة محررين : رضوان، أسامة، ويونس.

طالب باحث في علوم و تقنيات المعلومة و الاتصال، 24 سنة. عاشق للشاي و شاعر في أوقات الفراغ.

مقالات لكل زمان

6 يوليو 2017

7 نساء تجعلن الرجل يفر دون عودة... فهل أنت منهن؟

8 يونيو 2015

أغلى عشرة سوائل على وجه الأرض

29 مارس 2017

الأشياء التي نفعلها عند اقتراب فصل الصيف

30 أغسطس 2016

المقاهي التي ننصحكم بزيارتها في مدينة مراكش

21 فبراير 2015

أشهر العلامات التجارية المغربية من منظور آخر

28 فبراير 2015

الجيل الذهبي: جيل التسعينات

20 مايو 2017

7 أشياء يقوم بها الطالب المقيم بديار المهجر عند عودته إلى المغرب

9 مارس 2017

9 قصبات من أروع وأجمل المعالم في المغرب

12 أكتوبر 2016

5 أشياء التي لا يستغني عنها المغاربة في عاشوراء

21 فبراير 2016

وجهة نظر : أزمة الحب في المغرب

مغربي يُرقِص أمريكيين على إيقاعات موسيقى الشعبي

أغنية 'هاك أماما' بصوت أسماء لمنور

ماذا إن كان كبور أحد المشاركين في مهرجان موازين ؟

يوميات هربان في رمضان: سباتة 04 |الحلقة 6|

من طرف رضوان