‘شنو دير مع الخبز لا بغيتي تكمل كاس داتاي؟’ بحث شبه علمي

من طرف

OLYMPUS DIGITAL CAMERA

OLYMPUS DIGITAL CAMERA

شنو دير مع الخبز لا بغيتي تكمل كاس داتاي مع الدغمة الاخرة ديال الخبز؟ عمرك تساءلتي هاذ السؤال؟ فهاذ المقالة غا نحاولوا نجاوبو على هاذ السؤال المهم الذي يطرحه عدد كبير من المغاربة*.

فهاذ الدراسة الشبه علمية عادي نفترضو التالي:
> عندك كاس د اتاي واحد عادي بحال ديال مالين المحلبة.
> أتاي ما بارد بزاف ما سخون بزاف.
> الخبز ديال الدار وديال اليوم وطري.
> عندك الاختيار بين الزيت والكوفيتير ووالو.
> كاس داتاي تقدر تساليه ف 27 شربة متساوية.
> عندك الخبز قد المحراش ديال درهم.
> 1 لتر ديال أتاي = 1 ديسمتر مكعب (واخا هادشي ماشي صحيح)

دابا سالينا الافتراضات، نمشيو للمعيار اللي عايقولينا شنو اللي حسن من لاخور:

إذا سمينا n عدد الشربات وسمينا ε حجم الخبز المتبقي ناقص حجم أتاي المتبقي، بحيث العبارة التالية كاتعطينا حجم الخبز المتبقي ناقص حجم أتاي المتبقي بعد الشربة رقم n:

فإن الهدف فالحالة المثالية هو:

دابا ندوزوا لطريقة تنفيذ التجارب الشبه علمية:
> غادي نجربو ربعة ديال الحالات: خبز حرفي، كوفيتير، زيت، زيت وكوفيتير.
> فكل حالة عادي ناكلو الخبز باللي فيه ونحسبو ε بعد كل شربة.
> كل تجربة عانعاودوها 10 ديال المرات وفالاخر ناخدو المعدل.

النتائج والشرح

ATAY

الخبز الحرفي

كايبان من المنحنى ديال الخبز الحرفي أنه كانوصلوا ل n 27 ولكن مازال ε  ماوصلش ل0 وهذا يعني أنه كايخصنا أتاي كثر باش ندوزوه.

الخبز بالزيت

نفس المشكل ديال الخبز الحرفي، ولكن بدرجة أقل، كايخصنا عا شوية ديال أتاي بالزايد.

الخبز بكوفيتير

مع داكشي حلو كاناكلو الخبز بزربة وكايسالي قبل من ن=27 وهكذا التجربة كاتحبس.

الخبز بالزيت وكوفيتير

ف n = 27 كانقربوا  ε مزيان ل0 واخا ماكانوصلوش ليها وهذا بسبب الافتراضات والأخطاء العملية، ولكن يمكننا نقولوا أن الخبز والكوفيتير هو الجواب الشافي :’))))

وشكراً.

*الكاتب ليس مسؤولا عن أي استعمال لهذا البحث الشبه علمي لأغراض تجارية أو أخرى.

طالب باحث في علوم و تقنيات المعلومة و الاتصال، 24 سنة. عاشق للشاي و شاعر في أوقات الفراغ.

مقالات لكل زمان

5 معلومات خاطئة عن الطعام صدقناها على مدار السنوات

مشاهير مغاربة كان بإمكانهم التمثيل في مسلسل Game Of Thrones

10 أشخاص ستصادفهم خلال زيارتك لمدينة الرباط

7 أشياء التي نقوم بها عند انقطاع الأنترنيت

هذا ما قد تفعله بك حبة السعادة 'الإكستا'

يوميات هربان في رمضان: سباتة 04 |الحلقة 6|

الحياة على جبال الأطلس بعدسة يوسف بودلال

10 عناصر أساسية يجب أن تضعها في حقيبتك قبل ذهابك للتخييم

أسمـاء من ذهـب: مغـاربة وصلـوا إلى العـالمية

ازميرالدا وكوادالوبي وروزاليندا، هل توحي لكم هذه الأسماء بشيء؟