10 جمل سمعها كل طالب طب ‘إكستيرن’ في الحصص التدريبية بالمغرب

من طرف

الدراسات الطبية هي دراسات طوووووووووووووووووويلة من حيث الكيف والكم وكذا المدة، تختلف عن باقي ميادين التعليم بالحضور القوي لكل ما هو تطبيقي. لكن، بين خيال المناهج التعليمية وواقع الحصص التدريبية اختلاف كبير، خصوصا في المستشفيات المغربية، اختلاف يتلخص في بعض الجمل. فلنبدأ :

1. السطاج تايبدا مع 8:30 ماشي 8.35

كلشي سمع هاد الجملة مرة وحدة في السنوات التدريبية ديالوا وديما كاتبغي تجاوب الأستاذ وتجولوا ونتا حيت تاتعطل ما تيجولك تا واحد السطاج تايبدا مع 8:30، ولكن ديك سطاج “أنفاليدي” تاتخلع.

2. شكون الإكستيرن ديال هاد المريض

إذا دارو تصويت فجامعات الطب فالمغرب على أكثر جملة تترعب الطلبة أتكون هي هادي، تاتكون ما عليك ما بيك حتى تايبعث معاك الأستاذ، الحاصول الله يحفظنا ويحفظكم.

3. كنت في الإدارة تانصاوب شي وراق أ أستاذ

العذر اللي كلشي تايستعملوا حيت تا يتحصل سالت بحال اللي زعما اللوراق أتصاوبهم من 9 حتى 11:30 وديما الأستاذ عندو نفس الجواب: كان خاصك طلب مني الإذن عاد تصاوبهوم.

4. الإكستيرن تلف الدوسيي

الحمد الله بعدا فالمستشفيات الجامعية ديالنا أي حاجة تاتلف تاتسمى فداك الإكستيرن مسكين لي ماشاف والوا، غي جالس منشط معاهم البطولة تما.

5. ما زال ما جات 12 هادي عاد 11:55

شحال تانكرهوا هاد الجملة بحال لي ديك 5 دقايق اللي أتبقى واقف فيها تما هي اللي غاداوي جاع الناس ديال داك السيرفيس.

6. قرى “الأبسيرفاسيون”

هادي خلاص تاطيحلك الما فالركابي وتاتبدا بديك “إل ساجي دو…” وتاتبقى هابط على داكشي بحال التران، ب1 ب2 بينا بيرسي… الله ينعل لي ما يحشم إلا نتا سمعتي شي حاجة بعدا.

7. عندكم الامتحان ديال السطاج

هادي تاتجيك من بعد ما تادوز شهراين ما تادير والوا وعمرك ما شفتي فيها الأستاذ، تايتفكرك فالتالي بهاد الجملة وتايخليك تاتغزل فبلاصتك.

8. ما تمشيوش نفطروا ؟

خلاص هذا هو الشعار ديالنا الحمد لله، العطلة كاملة تاتصبح ناعس عمرك ما تاتفطر وحيت تايبدا السطاج تانوليو كاملين خبراء فالتغذية وتا يولي الفطور أهم وجبة فاليوم.

9. ويا ربي ما تانديروا والو فهاد السطاج

الخطأ ما شي ديالنا فهادي لكن ديالهوم، واحد سنة ثالثة عاد بدا سير أسيدي حطو فجراحة القلب، بالسيف ما كاين ما يدار.

وأخيرا الجملة اللي كلشي تا يحبها:

10. سطاج “أنفاليدي” غي سير فحالك

وهنا تا يبدا ماراتون الرغيب والمزاوجة بين الاكستيرن والأستاذ وتاتبدا غادي جاي عندو وفوقاش تلقاه بعدا ديما ما كاينش وحيت تاتلقاه آش جاب ما هدر معاك وإلا هدر معاك تاتبقى ترغبوا حتى طيب وتايديرلك شي درس أخلاقي ولكن غالبا الأساتذة تايكونوا ظريفين وتايجولك الله يسامح.

ونتوما شنو تاتسمعوا كل نهار؟

إنسان قبل كل شيء، رأيت نور الحياة لأول مرة فوق رمال السعودية الحارقة ثم حططت الرحال بالمغرب، طالب طب في صباحي، باحث عن أدب وسياسة وتاريخ في مسائي، عجمي اللسان، عربي الريشة، قلمي من إنسان لإنسان من أجل حياة كريمة لكل إنسان.

مقالات لكل زمان

8 كذبات مغربية الأكثر تداولاً

دليلك الشامل من أجل النجاح في امتحان الباكالوريا

سلسلة رمضان : يوميات راضية (الحلقة 3)

11 جملة تكره سماعها كل فتاة مغربية

10 ممثلين مغاربة حققوا نجاحاً باهراً داخل وخارج أرض الوطن

10 من أجمل المناظر الطبيعية التي لن تصدق أنها في المغرب

12 خدمة مقدمة من جوجل من الممكن أنك لم تسمع بها من قبل

10 سلبيات السكن في حي شعبي مغربي

هيروشيما : 10 أشياء لا تعرفها عن امبراطورية الشباب المغربي

علامات الجمال حسب الفتاة المغربية