10 أنواع من الموظفين الذين تجدهم في أية إدارة أو شركة بالمغرب

من طرف

 في كل إدارة أو شركة مغربية لا بد من وجود موظفين يختلفون في الطباع وفي شكلهم وتعاملهم.

gg

1. الموظف(ة) اللي ديما حاضر ناضر

إلى قالوا ليه 9 ديال الصباح راه هي 9 ما فيها لا هادي ولا هادي، وإلا قالو ليه تخرج مع 6 ديال العشية هي 6 هادشي مافيهش اللعب. ولكن واش عرفتو السبب الرئيسي ؟ خونا فالله خدام فشركة خاصة، البق ما يزهق وخصوصا إلا كان فداك الشركات ديال لهييييه ليجايين للمغرب وجايبين معاهم النظام ديال برا.

tumblr_n0h99h9bDb1s28twko1_500

2. الموظف(ة) النشيط  

هاد الموظف هو اللي الله واعلم أش كاياكل على الصباح، كاتلقاه ناشط وماشط، مريح ومزاجه مخير. كايجي الصباح كايسلم على كلشي واحد واحد، أصلا الابتسامة ما خاطياهش وإلا رشقات ليه وحلف عليك والله حتى يخلص على كلشي شي فطور فاعل تارك ! علاش هادشي كلو ؟ بكل بساطة حيت هو الموظف النشيط !

tumblr_lyze6ecYZe1rp3j1ao1_500

 3. الموظف(ة) الحشومي

هاد خونا فالله ديما حاط عينيه ف pc و تقوووووول واش يطلع العين إلا سمع هي سمية ديال المدير يزيد يخشي عينيه ف pc هي باش ما يشوفوش. إلا هدر معاه شي حد وجهو ولا قوس قزح ! وا علااااااااش كايحشم ؟ الله اعلم دكشي بسيكولوجي ! إوا وإلا زغبو الله وجات شي بنت تهدر معاه، السيد هي عيطو ليه على صحاب الإسعافات الاولية. راه جمد !

d42843da701351a850ae9574619d7f4c_949

4. الموظف(ة) الضحوكي

مني كايكون كلشي خدام ما عليهم ما بيهم حتى كاتلقى كلشي شد البورطابل ديالو ودقيقة وجوج كاتلقى الهرج !  شي نكتة سيفطها لكل واحد فالمكتب. واهو كلشي يديرو إلا ويبخل على شي واحد بشي نكتة دايز ليها الكلام ! أما المقالب بلا مانهدرو عليهم، هاديك هي الاستراحة ديالو كايدوزها كلها ضحك ولعب. ما عندو ما يدار خاصو ضروري يفوج على راسو بشي حاجة كاضحك.

my-week-in-gifs-1-2

 5. الموظف(ة) المثالي  

هادا هو اليد اليمنى لمول الشي، كاتلقاه ديما واجد يسمع سميتو يطير معا الطيور ! هي يعيط ليه كايمشي كايجري كي عويطة. هو ديما موجد ما يقول، أصلا حتى إلا طلبتي منو شي حاجة كاتلقاه موجدها على بكري، إوا شنو هو يتسنى حتى يقولو ليه دير الحاجة عاد يديرها !؟  على سماوه الموظف المثالي على والو ؟ 

tumblr_ni1bbgB1tf1t8uldao1_500

6. الموظفة النمامة (مع احتراماتنا للبنات)

ولكن بيناتنا وبلا كدوب ؟ شكون كايهدر كثر ؟ البنات ولا الولاد ؟ هاذ الموظفة لي ما تملش من الصباح وهي دايرة الرادار ! شكون دخل وشكون خرج ؟ شكون تزوج وشكون طلق ؟  الإشاعات ديال الخدمة هي مولاتهم. عندها رادار ديالها بوحدو كاتشم الريحة ديال شي خبيرة كاتجي هي اللولة توصلهم، وبحال والو إلا لقيتو جوج مدابزين عرف بيلا هي راها تقد تكون السبب.

Laughing-Then-Crying-Gif-Tumblr-08

 7. الموظف مول البلانات  

آخر ماكاين فالسوق هو مولاه. بعد المرات كاتقول معا راسك واش هادا جاي يخدم ولا جاي يتبزنس. الأخ ما كافياهش خدمتو زايد خدما حرة معا راسو ! بالطبع دكشي كايمشي بالحس، ولكن ما بين الموظفين راه معروف، ليحتاج يبيع ولا يعاود البيع فشي حاجة هو موجود. لي تقطع بيه الحبل هو بطل المواقف ديالو، ولكن كل حاجة وعندها ثمن ! كاتساءلو شنو هو الثمن ؟  إوا نتا ووجهك. إلا كنت عزيز ولا هو براسو محتاجك فخدمة ليه هو نيت راه يقدر يخدم معاك بشي حاجة قليلة ويقدر ما يحسب عليك والو ! ولكن إلا كان باغي فيك الخدمة ونيت عقلك فيه العجينة وما عارفش آش ضاير فالسوق، راه هي نغنيو لك : ومشيتيييييييي فيها.

tumblr_inline_ncvbiqrhY31rs81pk

8. الموظفة الحنونة

غالب الأحيان كاتكون هاذ الموظفة كبيرة فالعمر، كاتحس بيها فحال ختك الكبيرة. ديما واجدة باش تصنت عليك وتقدر تسربي الخدمة لي فيديها ودوز تسمع المشاكل ديالك. علاقتها مع الموظفين كاتعدا حدود الخدمة. ديما راها واجدة تسمع لأي واحد إلا عيط ليها. الحاصول، هي واحد الإنسانة لي قليل فين ترد ليك الحاجة فوجهك.

tumblr_inline_mm9zjxW0LZ1qz4rgp

 9. الموظفة الطباخة

هادي راه تقول ما خداماش. إلا شفتيها كاتهدر تقول عندها قناة ديال الطبخ ديالها، وا بزاف. الوصفة ليسمعات بيها كاتجي كاتجري فالصباح تعاودها: “البنات البنات عندي ليكم واحد الوصفة كاطلع غزالة”. وا الأخت، وا سيري جربيها بعدا واجي وزعي الوصفة لي عجباتك. وا هي مامسوقاش، المهم راه دارت اكتشاف عظيم، ولكن ما ظلموهاش والله إلا راها ضرافات ودكشي. منين كاتصيب شي حاجة فالدار كاتجيبها ودوق كلشي. لا لا ختنا صدقات الضرافات الله يعمر ليها الدار.

tumblr_inline_o2w72dH5SN1r75n2a_500

10. الموظفون الأشباح (إوا نديرو ختامها مسك)  

هاد الموظفين هما المشهورين بزاف فالميدان المغربي. إلا مشيتي لشي إدارة تما بقيتي كاتسنى. عندنا جوج أنواع من الموظفين الأشباح: 1.لي عمرو ما بان، ولكن راه محسوب كاين 2. الموظف اللي كايضرب واحد الفطور معا 10 عاد يجي للخدمة وإلا قلبتي عليه فالظهر راه مشا يصلي الظهر، ونفس القضية فالعصر. السيد مومن بزاف هي كايدخل الجامع ما كايقدش يتفرق عليه، المهم عندو هو المشاركة فالخدمة. كايضرب طليلة مرة مرة ولي بغاه مستعجل يعيط ليه ونبينا عليه السلام.

tumblr_nxcrn3sqVx1sgi8lwo1_500

أعيش اليوم على أنه أخر يوم في حياتي فان لم يكن اليوم سيكون غدا.

مقالات لكل زمان

10 أشياء تجعل من مدينة إفران سويسرا المغرب

7 مهن تبرز التناقض في المغرب وتجعل الحياة قاسية

10 أسباب تجعل الأحياء الشعبية أفضل مكان للعيش

أخيب 10 لحظات تايعيشها الطالب المغربي

الدور الذي يشتهر به هذا الممثل المغربي هو ..

هذا ما يحدث لك بعد مشاهدة مسلسل Mr.Robot

الدليل الشامل لعبارة الفتيات المغربيات الشهيرة 'والو'

13 شيئا لن يفهمها إلا من لعب كرة القدم في الشارع

هذا ما سيحدث لو كان المغرب دولة خليجية

10 صور تظهر أين ينام الأطفال حول العالم