أهم 5 طباع التي تميز المغاربة

من طرف

المغرب بلد يتمتع بثقافة واسعة، والمواطنون المغاربة جزء لا يتجزء من تراب الوطن، فلكل عاداته وطباعه.

aca08066

1. المغاربة مضيافين

CHEZ LA FAMILLE BELLA BEN CHRIF DANS LE VILLAGE DE DOUAR TASLENT VALLEE AIT BOUSSAID

المغاربة ما كاين ما حسن منهم فالعراضة. وا يكونو مطيبين جوج زلافات ديال العدس ويقيلوا يحلفوا عليك حتى تجلس وتعشا معاهم، ولا ما بغيتيش ما يخليوكش تفوت باب الدار بلا ما تشرب كاس ديال أتاي. واخا تكون زربان، طاير، ولا عندك 100 حاجة تابعاك داك أتاي هاتشربو هاتشربو. منين يقول ليك مغربي خود أتاي، ما تحاولش تقول “لا”.

2. المغاربة ضحوكيين

Lol-Gif-Tumblr-02

بلا ما نحتاجو نهدرو على أكثر ناس ضحوكيين فالمغرب. بهجاوا صحاب سبعة رجال، إنهم المراكشيين يا سادة. إلى مشيتي لمراكش شد ليك واحد الكرسي وجلس فشي دريبة معا شي جوج شراف كايقرقبو الناب، وشد كرشك مزيان وأراك للضحك.

3. المغاربة تالفين

giphy (2)

بعد المرات، كايجيب ليك الله فحال ليراك فالمسلسل ديال Lost. كاتمشي تبغي تسول شي واحد على شي بلاصة وا كاتندم علاش أصلا فكرتي تسولو. كاتقول ليه حاجة، تايجبد ليك حاجة ما عندها لا راس لا رجلين وما عندها حتى علاقة بدكشي لينتا كاتقلب عليها. وا بنادم تالف هي معا راسو تسولو على الطريق لدارو يوصف ليك طريق مختالفة.

4. المغاربة هم صحاب النشاط

wL2wzjF

عرفتيو داك الموضة القديمة ديال ما بين تيليبوتيك وتيليبوتيك كايجي واحد كايدير تيليبوتيك، ونفس القاعدة تطبق على صحاب القهاوي ومالين الحوانت. حنا دابا تقدمنا وطورنا أ سيادنا، ولينا فعصر ما بين حفلة وحفلة كاينا حفلة، واينا مهراجانات هما واينا احتفالات ومناسابات… الحاصول كاتسمع هي شي خبر زوين ولا كلشي خاصو يحتافل.

الاحتفال ولا عندنا ثقافة مغربية قحة، صافي ما كاين لا نقاش لا جوج سمعتي بشي خبر زوين أول حاجة كاتقولها هي : “إيوا فوقتاش الحفلة ؟”

5. المغاربة أحسن مخبرين

tumblr_n05y8nPdgW1svcvdgo1_500

أول حاجة، ما تحاولش ولو أنك شي نهار عينك فعين مغربي وتكذب عليه ولا تحاول أنك تفلا عليه. دكشي دايز فالدم من الكبير للصغير، ما يمكنش تلقا عائلة مغربية ما كاينش فيها ليكايقلقل الخبيرات ويعرف أشنو ضاير تما. راه مسلسلات FBI هايوليو يجيو ياخدو الدروس من عند المغاربة. دكشي عندنا السر فر ما تغمض عين وتحلها حتى تلقاهم عرفوا ليك القصة من طق طق حتى للسلام عليكم. المهم ما تنساوش، ما حدكم فالمغرب هي خليو الصراحة  راحة، وما تحاولوش FBI المغربي خدام 24/24.

أعيش اليوم على أنه أخر يوم في حياتي فان لم يكن اليوم سيكون غدا.

مقالات لكل زمان

الأشياء التي تفعلها أثناء البحث عن سكن جديد

12 صورة لم ترها من قبل لحفل زواج الأمير تشارلز والأميرة ديانا

5 مشاريع مغربية مُنجزة تتصدر التصنيفات العالمية والقارية

أشهر العلامات التجارية المغربية من منظور آخر

10 أشياء تحدث في البيت المغربي عندما ينقطع التيار الكهربائي

وصفات سهلة ولذيذة 'للكوسالا والكسولات' من الطلبة والطالبات المغاربة

10 أشياء من المستحيل أن لايفعلها المغربي

عجائب الدنيا السبع موجودة أيضاً في المغرب، وهذا هو الدليل...

7 أشياء تجعل المرأة تعيسة في حياتها وعليها تجنبها حالاً

12 صور داخلية لمسجد الحسن الثاني لم تروها من قبل