الحياة الجامعية وما أدراك ما الحياة الجامعية.. هي مرحلة مهمة في الحياة ديالنا، حيت فيها كانبعدو علا مالين الدار وكانكتاشفو حوايج جداد. ولكن هاد المرحلة مكادوزش حلوة إذا ما عشتيش أوقات الضيق والتحنسيرة اللي كاتفكرهوم من بعد، وكاتبقا تضحك وتقول: إييـــــــــــــه يا ليام.
الفريق ديال ويلوفبوز يقترح عليكم مجموعة من أخيب اللحظات، اللي أكيد غادي تكونو عشتوها:
1-مين كايسيفط ليك لواليد لفلوس ويقوليك تكايس راه القضية ناشفة
2- مين كاتشد المنحة وكاتقادا بسرعة الضوء
الخايبة هيا مين مكايعطيوهاش ليك :(
3- مين كاتمشي تقرا معا 8 والأستاذ متايجيش
4- داك الاحساس بالقلق والأرق مين تايقربو الامتحانات
وحتا كاتبغي توجد نتا، عاد صحابك كايطلقو الشعبي ويبداو يبانو لبلانات
5- مين كاتبدا توجد للامتحان وكاتلقا شي حوايج عمرك سمعتيهوم فالكلاس
6- كاتجي تالقبل الامتحان بدقائق وكاتسمع شي معلومات غريبة
7- فالامتحان كاتلقا الخيال العلمي، داكشي لا يشبه الدرس ولا التمارين
وكاتحط الورق خاوية
8- يوم النتائج، مين كاتلقا شي مواد ماخدمتيش فيهوم فاليدي… واللي خدمتي فيها مجبتيش شي نقطة مزيانة
وكاتولي تكره « الراء » حيت كاتعني راطراباج
9-مين كاتعطل علا لعشا فلانتيرنا، وكاتلقاه سالا
10- مين كاتشد داك الديبلوم وكتفكر بللي غادي تفارق معا الاصدقاء اللي عرفتيهوم
ملحوظة: وأنت تقرأ هذه المقالة، ممكن تكون ساليتي هاد المرحلة، فيها أولا مقبل عليها… لا تتردد، وشارك معانا أخيب لحظاتك في الجامعة المغربية.
أسامة اعقيقب
طالب علم ... شغوف بالفن، الموسيقى و المطالعة... انساني و مدون في سيرة أتعس السجناء. أحلم بعالم بدون ظلم، فقر، شقاء و جوع... سيتحقق هذا يوما ما بفضل أبطالي و منقدي اللإنسانية : العلماء.