قد يكون السفر متعة حقيقية ومسلية بحيث يساعدنا في الابتعاد عن حياتنا الروتينية، ويمكننا من التجوال والترحال واكتشاف ثقافات جديدة وأيضا خوض مغامرات ممتعة.
في بلدنا المغرب، إذا فكرتم بالسفر لخوض المغامرات، فسوف تخوضون المغامرات هذا أكيد… بحيث تبدأ مغامرات المسافر المغربي عند اختياره للقطار كوسيلة لسفره. فمند لحظة الانطلاق إلى لحظة الوصول، يعيش مغامرات « مسلية » اخترنا أن نشاركها معكم اليوم من خلال مجموعة من الصور المضحكة.
1. في اليوم المنشود كتكون جمعتي الملابس والأشياء لي غادي تحتاجها ونويتي تشد الطريق لمحطة القطار
2. ولكن، وكيف كيعرفوا جميع سكان الدار البيضاء، ماكيبغي يوصلك حتى شي طاكسي
3. وأخيرا بعد معاناة طويلة، كيبان شي طاكسي وتيوصلك لمحطة القطار
4. وهنا كتبدا متعة السفر وكاتبدا تحس بإيجابيات السفر بالقطار المغربي، كتمشي لشباك التذاكر الإليكتروني باش تربح الوقت ولكن ماكاتلقاهش خدام، وإيلا كان خدام متيكونش فيه الصرف
5. من بعد الصدمة كترجع تشد الصف مع الناس، ومع نتايا أصلا معطل تتزيد تعطل
6. عندك جوج ديال الأشياء ايقدروا يوقعوليك. يقدر يمشي القطار وديك الساعة غتكون مضطر تسنا لي غايجي موراه…
7. …أو غادي تشري التذكرة ديالك على خاطرك وغادي تمشي تسنى مع راسك
8. دات مومنت إلى كنتي غاتسنا، كتسمع « القطار المتوجه إلى…. سيتأخر عن موعده ب60 دقيقة….. »
9. ماشي مشكل، نتا وصلتي معطل والقطار حتى هو من حقوا يتعطل
10. دبا مني تايجي القطار بعد انتظار طويل…
11. تتلقاه عامر، وإيلا كان عندك الزهر تقدر تلقا مكان هادئ توقف فيه مع العلم أنك مخلص التذكرة ماشي « سالت »
12. والكارثة هي مني كايخسر القطار وتيبقى واقف في الخلاء. ديك الساعة كاتبدا تسمع القصص لي كايوقعوا للناس مع الشفارة والقطاطعية وكتولي باغي غير توصل
13. ومن بين إيجابيات القطار المغربي هو أنه تيكون سخون والنوافذ لي فيه ماكيبغيوش ايتفتحوا وشي مرات مكيكونوش النوافد حيث تيكونوا هرسوهم بالحجر شي ناس الله يهديهوم
المهم الإيجابيات ماكاينين غير هما. نتمنى لكم مغامرات شيقة…