كتتمة منطقية « لدليل فهاماطور لفهم الفتاتش« ، تأتي فقرة ما يدور في رأس فهاماطور. في الحالة الطبيعية، ما يكشف نواياه هو أفعاله، ولكن بدوره لديه عبارات طورها خلال عمليات التضليل الطويلة.
1. من بعد ونهضرو فهادشي، ماشي وقتو دابا
هذا ما يصطلح عليه ب »هروب ماكر »، من الخطط الأساسية المستعملة لتفادي نقاش سينتهي غالبا بشد ليا نقطعليك.
2. عرفتي أول مرة نقول هدشي لشي حد، أول مرة توقعلي…
ترجمة: أنا وجهي قاصح بزاف لدرجة نقدر نطلق السلوكية قدامك بكل ثقة في النفس.
3. دابا نعيطلك ونديرو شي وقيت
نتلاقاو فيه عمرني غادي نعيطلك، بكل بساطة.
4. ما مستعدش نستقر عاطفيا
نتي من بين هدوك لي كنديرهم فالبون توش، وكيفما كنقولو: « ديباني، بالقطاني ».
5. مالك معقدة ؟ هدشي عادي
قريت شوية في غوغل على « كيف تصبح نصابا عاطفيا دون جهد؟ » وبغيت نجرب فيك قدراتي ديال تشكيكك في أفكارك.
6. ماعنديش معا داك التخربيق ديال الرسميات وبنادم يبقى يشوفنا
مامعمراليش العين بزاف، إلا بان ما احسن علاش لا…
7. عرفتي… كنبغيك
أغلبية لي كايقولوها، كاتكون قبل ما يكون حتى شي حاجة.
8. أجي بغيت نهضر معاك
يا إما محاولة لإصلاح خطأ قداااااش أو في حالة أخرى، صافي سالات الحفلة، سالينا، مابقاش.
