بغيتي تفرح مالين الدار وتجيب ليهم « الكريطينة »؟ وركز معانا وكمّل القراية ديال هاد المقال:
1- دير سياسة الشكاوى، فينما تخرج من شي فرض تشكا.
« مخدمت وااااالو »
2- فالكلاص ديما ريح اللور وماتشارك ماوالو.
باش الأستاذ مايفهم والو ملي يلقاك جايب شي نقطة واعرة.
3- المراجعة والسوايع لا ينصح بهما، عليك بالملخصات ثم الملخصات.
حيت تقدر تخدم ودير كلشي من الدار… الكتوبة موجودين وأي حاجة توحل فيها سول « الحاج جوجل ».
4- الخدمة حتى يقرب الوطني مكاتنفعش بزاف.
وجد قبل كلشي، ساعة أو 2 فالنهار فيهم الكفاية، والويكاند راحة أو شي مراجعة خفيفة.
5- بعد من السهير فالليل، وخصوصا ملي يقرب الوطني.
كل نهار فالصباح بكري نوض وبدا المراجعة بالمواد الصعاب، رتاح شوية (ماشي بزاف) وكمل بالمواد الساهلة.
6- يوماين قبل الوطني، جبد الملخصات ضرب عليهم طليلة، ورتاح بزاااااف.
7- أيام الوطني فطر مزيان وماتعطيهاش غير للزبيب والتمر وما جاورهما.
8- وسط الامتحان قرا الورقة كاملة مزيان عاد بدا تجاوب.
9- نهار النتائج خلع مالين الدار مزيان، باش ملي تجي النتيجة يتصدموا فيك.
ديك الساعة الواليدة غادي تبرعك بالشهيوات.
أسامة اعقيقب
طالب علم ... شغوف بالفن، الموسيقى و المطالعة... انساني و مدون في سيرة أتعس السجناء. أحلم بعالم بدون ظلم، فقر، شقاء و جوع... سيتحقق هذا يوما ما بفضل أبطالي و منقدي اللإنسانية : العلماء.