من الأشياء التي حيرت الأدباء والشعراء هو فهم الألغاز وأقوال الفتيات، ففي بعض الأحيان يجب ربط القول بما وقع قبليا والوضعية واللغة الجسدية للسيدة التي أمامك… رد بالك ماتقولش ماعلمناكش.
1. شكون هدي ؟
من الأحسن تكون أختك، لأنه في الحالة المخالفة أي محاولة تقرب من فاتي سيعرضك لأخطار متعددة.
2. لا لا ماشي مشكل
يمكن يكون ماشي مشكل، ولكن غالبا أقوالك أو أفعالك غادي دخل فداك الملف الخطير لي ما كتعرفو منين خرج نهار الطرح كيسخن.
3. شنو كدير ؟
من الأحسن ترد انتباهك لهذا الاتجاه أو يكون عندك سبب مانع وجيه، لأنه عاد دابا جاك آخر إنذار.
4. ماعرفتش… مابقيناش كيفما قبل
ما من تعبير أبلغ من « دارتلك الصابونة ا أستاز »
5. أوكي…
مرحبا بك في حقل الألغام، أي حاجة غادي تزيد تقولها غادي تحسب ضدك وتزيد تغرقك.
6. لا والو…
لي هوا جواب على مالك ؟ أو لاش أوكي ؟ هنا كون شيرلوك هولمز أو المحقق كولومبو لأن المشكل كبييير وبزز عليك تلقا الجواب، بوحدك !
7. لا صافي دير لي بغيت
إلا إذا كانت عندك أفكار انتحارية، غير جرب دير لي بغيتي.
8. بلاتي نشوف تيليفونك
بلاتي نصيدك، عندي شكوك كبيرة ومادابيا نفرشك ونتا تشوف ونفرقع الرمانة.
9. ههه، نتا « أضوغابل »
لقد ألبستك رسميا الزي الرسمي لفريق الفريندزون العالمي.
10. كتعرف شي درية
نختمو بشوية ديال التفاؤل، ألف مليون تريليون مبروك يا أستاز، جييييييبها من الشبكة غووووووول.
