ملي كاتكون البنت عندنا فالمغرب مازال ما تزوجات، تايقهروها مسكينة بعبارات من قبيل: « أويلي مازال ماتزوجي! » وما إلى ذلك. لهذا فهي كتكون كتسنى غير إمتى « يحن » عليها الله وتتزوج وتتهنى من هاد الهضور واخا تكون قرّاية ولا خدامة.
1. فاللول كادير فيها « كوول » ومامسوقاش…
2. را غير كتخبي الحلم الدفين اللي كايزيدو يغديوه الأفلام والمسلسلات التركية
3. ملي كاتتخطب الفتاة المغربية…
4. كاتقلب على صحاباتها حيت صافي دارت عقلها زعما ومابقاتش مساليا ل »بسالة » المراهقات ديال صحاباتها
وفي استثناءات قليلة، كتشارك معاهم كلشي حتى لون تقاشر الخطيب ديالها نهار جا وجاب واليديه.
5. وعلى ذكر والديه، « ناري ماماه باينة فيها قبيحة »
6. وإلى كانت نيتها طيبة « واو تستحق تكون ماما الثانية »
7. إوا كايجي العرس…
8. كاتعاود التغربيلة ديال صحاباتها، وضروري نهار العرس تبكي حيت التكشيطة الخضرا ماجاتهاش كيف تخيلات والدجاج اللي حط التريتور مكنزز
وأسوء ما يمكن أن يقع هو يوحلو ليها الشفار اللي ملسقاهم فالجوهر ديال اللبسة الفاسية.
9. إوا وأخيرا كاتزوج الفتاة المغربية…
10. الصلاة والسلام على رسول الله، كيفرحو ليها النص ديال صحاباتها المغربلين
والنص الآخر كيحسدوها: « ماعرفت كي دارت ليه ياختي مالي أنا آش خاصني اللي تتزوج هي قبل مني؟ »، أو العبارة الشهيرة: » الله يعطينا زهر الخيبات ».
11. ولكن هادشي ماشي مهم، حيت هي مامسوقاش مشغولة كتقلي السم « لِلْحَباَيِبْ »…
12. وحيتاش مسكينة مازال عايشة في الأحلام والأفلام اللي شافتهم فدار باها، إذن ملي كايسالي شهر العسل (إلا كان شي عسل)…
13. كتفيق وكاتصدم باللي سبع ايام ديال المشماش سالات، وباللي الماكلة خاصها الطياب والحوايج خاصهم الغسيل والولاد خاصهم ينعسو…و …و …
وباللي الفايسبوك والدار مايمكنش.
14. وكاتبدا الفتاة المغربية تتوحش سمية « البايرة » وحياتها القديمة
وتتوحش واليديها وخواتاتها وصحاباتها ودربهوم و… و… و…
15. إيوا هادي هي القصة التقليدية ديال البنت عندنا في المغرب ملي كتزوج، من غير إلى كان الإبداع والحب والصبر وروح المبادرة والإيمان بالقضاء والقدر
حسناء بويجرار
الأمومة، الرسم، التصميم، الكتابة، الاختراع، المنطق، القراءة التحليلية، حب الاكتشاف، الخيال، الأفكار العديدة ...أنا.