منتديات ستارتايمز غنية عن التعريف، خصوصاً في المغرب، حيث اكتسبت شهرة واسعة وأعضاء كثر. بروزها كأحد المنتديات الشاملة ومتعددة الاختصاصات جعل منها ملجأ أغلب رواد مقاهي الانترنت في التسعينات وبداية الألفية.
حالياً لا يزال الموقع نشطاً رغم التأثير القوي لظهور الشبكات التواصلية الاجتماعية، والذي قلل بشكل ملاحظ عدد مستعملي الموقع النشطين. في هاته المقالة سنحاول استرجاع ذكريات « السيبير » ولحظات ستارتايمز التي لا تنسى.
1 – زيارة ستارتايمز كان بالنسبة لك أهم شيء يجب فعله بعد فتح المسنجر.
2 – كنتي كاتحتارم بزاف المشرفين.
3 – كانوا عزاز عليك المسابقات، ونقاط التميز بطبيعة الحال.
4 – كاتفتاخر حدا صحابك بعدد المشاركات ديالك.
5 – كنتي كاتقفقف بالخلعة ملي كاتوصلك شي رسالة، خاصة من شي مشرف.
6 – كاتقهرF5 ملي كاتلوح شي موضوع باش تشوف شكون اللي رد عليك.
7 – ويلا ما كان والو كاتستعمل الجملة الشهيرة: »أين الردود؟ »
8 – عندك معا: « تسلم يا غالي »، « مشكور منورين »، « شكرا على المرور » وداكشي.
9 – كانوا كايجيوك فشكآآآآل دوك اللي كايديروا جواب مزوق بالورود القلوب والصواب عالجهد.
10 – ولا بد عندك شي أصدقاء عرفتيهم من ستارتايمز.
11 – كنتي كاتفتاخر ملي شي مغربي كايولي مشرف عام على شي منتدى كبير.
12 – شحال وانت كاتسنى يديروا خاصية البحث فستارتايمز، حتى فقدتي الأمل.
13 – بسباب ستارتايمز عرفتي كووورة، وشحال دوزتي ديال الوقت فكووورة مغربية.
14 – ماكنتيش كاتحمل دوك اللي كايقولوا « مكرر أخي »، « للقفل » (ولا كنتي منهم).
15 – فايت ليك تيليشارجيتي شي حاجة فالآخر صدقات ما خداماش ولا فيروس.
16 – شي منتديات ماكنتيش عارف لاش كايصلاحو.
17 – كنتي كادير الطيارة لهاذوك اللي كايديروا تصاميم الصور الشخصية.
18 – بالنسبة ليك منتديات ستارتايمز موروث ثقافي في عالم الأنترنت لا يمكن نسيانه.
