10 أشياء تجعلك تكره قدوم العائلة من ديار المهجر

Avatar

من طرف - 965 مشاركة

1. كاتولي تنسى كاع لبلانات مع صحابك

الأسبقية دائما لل »فاميلا »، إيلا مالقاوكش آيتقلقو.

وفينما كاتفكر فالسعادة لي عايشينها صحابك… كاتولي بحال هاد راس الكارطونة:

lonely-robot_004458412. ماعندكش الحق تنعس فبلاصتك

ينعس ف ناموسيتك، وانت فرش فالارض. الظلم هذا !

مرحى، مرحبا بليال بيضاء دون نوم.

jon-snow-dead-1434365334

3. كاتولي « كيد توريستيك » بالزز منك

اللي خرج خاصك تخرج معاه، توريه فين يمشي…

Guide-touristique-Marrakech-(2012-02-28)4. تولي ضروري تجاوب على الأسئلة البليدة ديالهوم

واه، كبرتي، هي وقتاش آنفرحو بيك إن شاء الله ؟
موصيبة، كارييثة…

facepalm

5. تسمع جمل من قبيل: « راك شرفتي… وفيروز بنت خالتك دارت عقلها… إيوا ؟ « 

إيوا شنو ؟
وا فوتوني عليكوم، أنا ماباغي لا نتزوج لا ندير الدراري، وا بعدو مني.

w hna malna

6. كاتولي مضطر تسمع جمل من قبيل:  » حنا أون أوغوب ماعدناش هادشي هاكا، نتوما أو ماغوك … »

على أساس الإخوان من السويد الشقيقة.

وكاتبغي تقول ليهوم، مانتوما مغاربة، مانتوما أوروبيين، إذن …

7. خاصك تلعب دور Garde de corps مني يمشيو بناتهم للبحر.

T1427ويبقاو يوصيو فيك واليديهوم، وانت الداخل ديالك باغي تقول ليهوم : « اللي عندو شي بنت يحضيها ولا يشدها عندو ».

You+signed+up+after+him+_a2ce58b36face8bc7169f7cfb52662cc8. خاصك تستحمل لبراهش ديالهوم

وفي كل مرة كاتجيك ديك الرغبة الجامحة تلوح شي واحد فيهوم من الشرجم، تلعن الشيطان باش ماتسمعش الديسكور الشهير « حنا كانجيو غا جوج جوغ باش نشوفوكوم من لوغوب. وكاتضربوا لينا ولادنا، لي مربيين أحسن تربية، تربية ديال لوغوب. »

true-story-fakhirوا قهرتونا !

9. خاصك أي حاجة ديالك تشاركها معاهوم

التلفازة ماشي ديالك، بيتك ماشي ديالك، البيسي ديالك تا هو ماشي ديالك… كولشي ديال لفاميلا.

نتا وشوية يورتوك.

وكاتحس بيهوم بالفن، كايديرو ليك بحال هاكا:

stealing_3673

10. تصبر على العياقة ديالهوم

وخاصة الفكرة ديال هوما عندهوم فلوس، هوما متحضرين، ونتا را راك عايش فمستنقع التخلف.

200_sوانت ؟ شنو الحاجة اللي ماكاتحملش مني كاتجي لفاميلا من أوروبا ؟

Avatar

طالب بالمدرسة الوطنية للتجارة و التسيير بالقنيطرة، 21 سنة، و مدون بصفحتي الخاصة"Ana ou Rassi". شغوف بالقراءة و الكتابة و برياضة التيكواندو...و محب للمرح و السفر. وكذا دكتور في علوم الكسل و النوم الديماغوجي.

مقالات لكل زمان

غالية بنعلي: صوت الإبداع في الموسيقى العربية

10 أشياء يفتقدها المواطن المغربي في بلده

6 أشياء تجعل منك زبونا دائما لمقهاك المفضل

8 صور تلخص الفرق بين حياتي المدرسة والجامعة

10 أشياء تجعل منك شخصاً يحب الأكل أكثر مما ينبغي

إختبار: إن حصلت على أكثر من 10/7 في هذا الإختبار، فإنك لازلت تفكر في حبيبك السابق

أنواع الركاب الذين يفضلهم كل سائق شريك لدى UBER

الأجواء الرمضانية في مدينة الرباط بعدسة Mélodie Chum

تعلم أنك مشجع لنادي برشلونة عندما…

لماذا لا يمكننا الاستغناء عن استعمال تطبيق السناب شات ؟