الشعب المغربي ليس كما في الماضي، الآن باتت لديه الحرية في التعبير عن ما يفضله وما لا يفضله، عن الشيء الذي يحبه والشيء الذي يكرهه.
كنتم تجدون في الماضي أن جميع المغاربة يكتفون بما تقدمه لهم التلفزة المغربية من برامج ومختلف الأشياء التي تذاع بالتلفزة، لكن مع تقدم التكنولوجيا، أصبح لدينا بديل يمكننا من الاستمتاع بالقنوات الأخرى وملاحظة التطور التكنولوجي والفكري الذي تقدمه القنوات العربية، أو الأجنبية، على طبق من « ذهب ».
وكنتيجة لما ذكرناه، أصبحنا كمغاربة ننفر من مشاهدة القنوات المغربية إلا في حضور العائلة مثلا، أو على مائدة الأكل، ولكن ما إن يفترق الجميع، حتى تجد الأغلبية قد اتجهوا إلى قنوات يفضلونها نظرا لجودة منتوجاتها.
فما الأشياء التي تجعلنا ننفر من قنواتنا المغربية؟
1. الإشهارات الحامضة: وبالأخص الإشهارات ديال المسابقات التي سيجيب عنها طفل في التمهيدي
2. المسلسلات الأجنبية القدام واللي ما دايرينش نسبة المشاهدة وشايطين عليهم وجايبينهم لينا
3. المسلسلات التركية اللي فيها 5 سنين، وهما مالهم لاش يعذبو راسهم ينوعو فالبرامج، مسلسل واحد كافي يدوز مع المغاربة حياتهم كاملة
4. الترجمة المغربية للمسلسلات، واللي كايجيب ليك الله هادي درجة مغربية جديدة ماشي ليموالفين بيها: مثلا كلمة » البلييييد » عنداكم تنساوها راه جديدة عندنا فالقاموس
5. واحد التقنيات ديال التصوار والجودة ديالو.. هي بلا مانهدرو
6. المسلسلات والأفلام المغربية، اللي من عام لعام عاد كانشوفوها، ويا ربي لوكان هي بالفايدة
7. واحد الدراري الصغار مساكن حرموهم حتى من البرامج المناسبة ديالهم واللي مواكبة للعصر والرسوم المتحركة ليعندها جودة عالية، نساوهم فمرة (مع العلم أن هادي شحال كانت القضية مبدلة)
8. واحد الأغاني والسهرات القديمة ليكاتعاود مرارا وتكرارا (مع احترام الأغنية المغربية)، ولكن ما تنساوش بأن الشعب ماشي كلو عزيز عليه الأغنية مغربية، ديرو الخاطر للشباب شوية
9. برنامج شميشة ليهاد السنين الأخيرة كايعاودو فيه صباح وعشية
شميشة على راسنا وعينينا يا رجعوها دير برامج زوينة فحال ليكادير فقناتها على اليوتيب، يا عطيو الفرصة لشباب جديد، واش داك ماستر شيف درتوه على والو.
10. الإشهار ديال الغابة نعمة
وصافي أعباد الله والله حتى فهمنا راه حنا والغابة واحد، الغابة زوينة وفنة وحنا كانحماقو عليها، ولكن الله يرحم بيها الوالدين لما حبسو علينا هاد الإشهار
