ومن منا لم تتحدث عن أشياء كثيرة وليس شيئا واحدا خلال عرس مغربي، وخصوصا إذا كنت أنت أيتها الفتاة المغربية تجلسين قرب أقرب صديقاتك أو قريبتك من العائلة. فاللحظة التي تجتمعان فيها، تكون لحظة تارخية، لو سجلت صوتا وصورة لأصبحت وثائقيا يحكي انتقادات الفتاة المغربية للعرس المغربي.
لنبدأ منذ البداية وأول شيء قد يقال :
1. نارييييييي جينا بكري مازال حتى حد ماجا، ياك قالو لينا 8 ديال الليل واهادي 9 ونص وباقا الدنيا خاويا
2. أويلييييي شوفي هاد الماكياج ليدايرين للعروسة كبرها بزاااف، صافي باراكا من الضحك بلا مانعيقو ولا يسمعونا
3. الجوق بان ليا فيه شي حاجة ماشي تالهيه، باينا ضربوا كويسات عاد دخلو
4. ضوري ضوري شوفي واحد الجوجات كيفاش كايشطحو
5. ناريييييي ضربي على العريس شحال غزااااااااااااااااال
6. يااااااااااه وشكون هاداك لي قدامنا، أنا بان ليا نوض نشطح شوية
7. ويلي شنو هاد الماكلة، أنا إيلا ماكانش الدجاج محمر واللحم بالبرقوق واللوز ما هو عرس عندي
8. الحمد الله ليماحيدوش لينا حتى كعب غزال
9. ما عرفت شكون هي نكافتها، كسوة ديال العرس ناري شحال غزالة، ولكن باينة غالية هاتكون هي كراتها، مافيهااااااااش
10. نوضي نوضي باراكا من الهدرة، يالاه نوريو هادوك خياتي حتا حنا علاياش قادات فالشطيح
