أمهاتنا نور أعيننا، بروحنا بدمنا نفديهن. نحبهم أكثر من كل شيء، لكن هذا لا يعني كونهن كاملات، فكل ابن آدم خطاء. هذه 10 كذبات بكثرة ما سمعناها من أمهاتنا أصبحنا متعودين عليها.
1. كلشي تايجي قدك
مني تايجيوك شي حوايج صغارو على خوك ولا شي حد وتاتقول ليك »جاتك هي هاديك ».
2. الوقت والأمهات
ديما تاتزيد من عندها، مني تاتكون يالاه العشرة وتاتقوليك »الطناش ونص هادي ومازال شاد داك المشقوف (pc/smartphone/ps3…) »
3. ديما فايقة
تاتكون ناعسة قدام التلفازة، ومعا تاتبغي تبدل تاتفيق وتقولك »وأنا ماعجبتكش ».
4. نتا ديما ماكاينش
مني كنا صغار وتايجيو صحابك باغينك تخرج تلعب معاهم تاتقوليهم »ماكاينش ».
5. السخرة
تاتسخرك تجيب الحليب والخبز ومني ترجع تقوليك »والخميرة فيناهي؟ »… الله يسمح ليكم.
6. أمينة المال
فليلة العيد تاتجي عندك وتاتقول ليك »أرا نخبي ليك فلوسك ».
7. التهرب من قول لا
تاتطلب منها أي حاجة وتاتقولك »إن شاء الله ».
8. الدوا حلو
تايكون الدوا مر وحار وتاتقولك »غي شربو را بنين ».
9. خمسة دقايق
تاتسولها واش قريب الغدا، وهي باقي مانصباتو وتاتقول ليك »خمسة دقايق ويوجد ».
10. قبل رمضان
كل رمضان تاتبقى تسمع للبرامج ديال الصحة و وتاتقوليك »هاد رمضان غانفطرو بالحريرة ديال البلبولة والتمر صافي ».
