بطبيعة الحال حياتنا الدراسة كانت مليئة بالعقبات والمغامرات لي قدرنا نتجاوزوها إلى الأمام، حتى أنها بقات راسخة فالأذهان ديالنا. اليوم أنفكروكم فجميع هذه الأحداث لي منقدروش نساوها:
1- تجي القسم ويقولكم الأستاذ غايضور على الدفاتر ولا على التحضير
2- يجلس حداك شي حد يبقى يزعزع في الطاولة
3- تبغي الأستاذ يشرح ليك شي حاجة وينضو التلاميذ يجاوبو فبلاصتو
4- ملي كايخرجك الاستاذ ونتا ماداير والو
5- يجي حداك شي جوج ولا شي وحدة ماتايسكتوش
كايعطيوها غا لنميمة والكذب والفوحان
6- نهار العراضة ديال المحفوظات
لكن تقد تحول إلى فرحة يلا صونات وماوصلاتش نوبتك
7- ملي كاتكون جالس حدا القراي ولا لور باش تنقل ويحولك الأستاذ
كايحطك القدام بوحدك كاتحس بحال شي حد منفي من بلادو، كايولي كلشي قابل للملاحظة والتحليل
8- تنوض تقيد في الصبورة ولا نتا تقيد فيها
كاتكتب سميتك وفيها بزاف دلعالامات، كاتحس بالفخر أنك خليتي البصمة ديالك
9- استعمال الزمن مخربق
كثرة الفياق مع التمنية، ولا انعدام الصباحات ولا عشيات خاويين !
10- التحمال
لا ماكتبتيش 100 مرة غاتحمل
11- العصا في اليدين
اللحظة من كاتكون لخر في قائمة الضحايا، وتشوفهوم كايتعدبو قدامك ونتا لقادم
12- الفرض على غفلة
»خاصكوم تكونو ديما حافضين دروسكم »، ماعارفش بلي ماشي ديما محجبين دروسنا !
13- ملي كاتوري صحابك ويجيبو حسن منك
كتحس بنوع من الخيانة وفقدان الشخصية إلى ما غير ذلك.
عبد الرحمان اݣرانة
طالب بالاقسام التحضيرية , شغوف كرة القدم و الراب المغربي , احب التدوين و الكتابة عن كل شيئ .