بالمقارنة مع الناس ديال الثمانينات، هاد الدراري الصغار ديال دابا ما عايشين تا حاجة، نهار وما طال وهوما خاشيين وجههم ف طابليت ولا سمارتفون، وكايضيعو شحال من حاجة زوينة فالحياة اللي ما كاتعاش فالعالم الرقمي. والموشكيل مازال غير الدري الصغير يلا بغيتي زعما تجيب ليه كادو لقليلة خاصك 1500 درهم ثمن شي طابليت هي هاديك، وحنا قدو فوقتنا كنتي يجيبو ليك داركم ميسطارة اللي فيها النجوم ديال 70 ريال ما كنتيش كاتنعس يوماين بالفرحة هههه.
إقرأ أيضا : الجيل الذهبي: جيل التسعينات
تزاد فالثمانينات، تآللول ديال التسعينات، هي أحسن حاجة تقدر طرا ليك فحياتك لأنك غادي تكون عاصرتي كولشي، يكفي غير تشوف الأفلام ديال الخيال العلمي ديال داك الوقت والتكونولجيا اللي كانت كاتكون فيهم غادي تلقاها دابا ولات شي حاجة عادية، بالإضافة لبزاف دالحوايج والأنشطة اللي كنا نقدرو نديرو. غادي نحاولو نشوفو شي حاجة منها فهاد المقالة.
1. كنتي تاجر موسمي وكاتبيع الطون والحرور في الأعياد
2. نص رايبي جامد حسن ألف مرة من Magnum
3. أحسن الأفلام اكتاشفتيهم مع علي حسن نهار الخميس
4. فيفتي يلا دڭّيتيه وكليتيه غبرة كايجي حسن من OREO
5. عاشوراء ما كاتحلاش ليك إلا بفردي ديال الما
6. اللعب كان أسهل وأبسط مع TETRIS
7. كرة ديال ستين، وأخيب حاجة تجي ليك في الحنك
8. الدّوْر
9. ملي وليتي كاتڭلس فوق الكانيش وكايتفلعص، عرفتي راسك صافي كبرتي
10. الناس كاياكلو المشماش وانت عينيك فالعضم ديالو
11. كنتي بطل فسباق السيارات قبل من مهدي بناني
12. ما كاينش شي بلية فالقسم اكثر من هادي
13. عرفتي ودرتي إعادة التدوير مع لعب وكول
14. النڭة
15. غادي تكون يا من صحاب أمازون
16. ولا من صحاب بانطيرا
17. لعبة مصطفى من الكلاسيكيات، ولكن ملي ولات الطراقة ديال عشرين عاد زيان اللعب
18. الثلاثي المفضل ديالك هو RALPH/ KYO/ YASHIRO
19. كنتي مجهد ف تنظيم الورقة
20 كنتي معلم فالطرومبية لدرجة أنك كاتجيبها فيها من الدقة اللولة وهي عروسة كدور فالأرض
