شيء أكيد، في كل واحد منا يوجد فهاماطور رمضاني صغير، مما يجعلنا نقوم بأفعال غير مفهومة في رمضان ونطور بعض استراتيجيات الاستيقاظ على الأقل ما بعد الظهر، أشياء قد تكون مفهومة خصوصا عند إخواننا المقطوعين، لي من الأحسن يبقاو ناعسين.
1. القاعدة تقول الفياق بكري ممنوع !
كيفيق معا 18h باش منها يدير دورة استكشافية فالكوزينة وباش ميعيقش بزاف، زعما يفيق يصوم شي بركة.
2. إلا حتى شي نهار غلط وناض بكري (مور العصر)
كيدخل في شكل « ماااادويييبيش معاااااايااااااا !!!! أنا صااااااايم ! »
3. في الفطور من باب السلامة « ممنوع الكلام مع السائق »
مايعقلش على لي معاه.
4. الجلابة ولا الفوقية هما الأساس
مافيها باس يبان عليه شوية ديال الوقار والأدب وداكشيييي.
5. فهاماطور المرة الوحيدة فالعام لي كاتشوفو فايق مع 8
هي فرمضان علاش ؟ (انظر النقطة 1)
6. فهاماطور يطرح مجموعة من التساؤلات من باب التفلسف والرقي الفكري
« شحال باقي للعيد ؟ »، « إلا تفرجت ففيلم ماريكاني نتحسب فاطر ؟ »، « هانية نهضر مع الفتاتش ؟ »
7. فهاماطور عزيز عليه يتفرج فدوزيم
ولكن ف فابسبوك، فينما تمشي تلقاه كاتب « واعباد الله وا الحموضة ! وا فلوسنا ! وا موازين ! »
