حصري : حوار ساخر (ومتخيل) مع رئيس الحكومة عبد الإله بنكيران

من طرف يوم 10 يناير 2016 على الساعة 18:09 - 5 مشاركة

Premier-Minisre-Marocain-Abdelilah-Benkirane

لا، لم نلتقي برئيس الحكومة، ولم تتسنى لنا فرصة طرح أسئلتنا عليه، لكننا تخيلنا إجابات السيد بنكيران، خصوصا في ظل ما يحدث حاليا في الساحة السياسية المغربية. لو تم لقاؤنا بعبد الإله بنكيران، لكان لنا معه الحوار التالي:

ويلوفبوز عربية : فالبداية نتعرفو عليك، بصح أسي بنكيران عندكوم الكيران ديال النقل ؟

بنكيران : هاهاهاهاها… عندي المغاربة، كاملين دياولي… هاهاهاها.

سمحلنا، منعاودش نسولوك أسئلة شخصية.

سولوني فالخدمة الله يرضي عليكم.

سي بنكيران، كيفاش داك البلان ديال التقاعد، 62 سنة للوظيفة العمومية، الوزاراء والبرلمانيين راك عارف… شنو زعما خدم أتاعس لناعس ؟

ومالكم، كتخلصوا شي حاجة من جيبكم ؟

آه، واليدينا كيخلصو، خدامين فالوظيفة العمومية حاشاك.

هزك الله، وأصلا كتقولوها لي أنا، مالي أنا لي حطيت هاد القانون.

1b1748385c4c3f7fed8a80e7c7b85f00

ولكن زعما قلتو باغيين تصلحو البلاد وداك الهضرة الشعبوية. ولا غير كتبيعو المغاربة العجل باش نصوتو عليكوم ؟

أشوف أسي أنا ماسوقيش، كيقولو الناس القدام “الله يخلف على لي نفق والله يعطي الصحة للي ضرب شدق”، فهمتيني ولا لا ؟ هاهاهاهاهاهاهاهاهاها

واخا سمحلنا، وداك الستون ديال تحيدو الدعم على المواد الأساسية، كيفاش قضيتو ؟

بان ليا نتوما ماباغينش تخليوني نخدم.

لا أعمي بن كيران، غير كنسولو أعمي.

متسولونيش، وأصلا نتوما مازال براهش شدخلكم هادشي ؟

كتعدا علينا وتقولنا براهش، وبراهش قدنا قدو كتجلس نتا وياهم فالبرلمان. أهضر أسي !

لا لا لا متفهمونيش غلط، هادوك واليديهم مكيلقاوش فين يخليوهم وكيجيبوهم معاهم. فهمتيني ولا لا ؟

d24307b088c3fd5f56f91fa31e938653

أجي بصح غادي تبدلو العملة د المغرب وتردوها ” الفرنك الفيلالي ” ؟

هاهاهاهاهاهاهاها، الدرهم خلاوه لينا سيادنا مانفرطو فيه لا حنا لا ولادنا.

وداك الوزيرة لي دايرة ساعة ب 14 لمنيول، غير بيناتنا، مكتدبش شي دريهمات ؟

شتي دابا دخول الشبوقات… هاديك كتخدم 22 ساعة باش كتشري داكشي.

22 ساعة فالنهار ولا فسيمانة؟

فالعام هاهاهاهاهاهاهاهاها

benkirane-3

مؤخرا شبعتو عصا فداك الأساتذة والمعليمين، كيفاش ؟

ماصوبوش التمارن ديالهوم هاهاهاهاهاها. لا فالحقيقة الأمن د أنزكان شحال هادي مخدم، قلنا فرصة ومناسبة يحركو العظام شوية.

ولكن كيضربو بجهد داك المخزن ؟

لا، كي شتي دابا هادي داخلة فالتكوين، وزارة التربية عاد التعليم، كنعلموهوم كي يديرو يضربو فالقسم. فهمتيني ولا لا ؟

لا مفهمناكش والشعب كامل مفهمكش. أجي دابا أخر سؤال ونمشيو بحالنا، ماشي هاد المعماعة لي دخلتي ليها كبيرة عليك ؟

هاهاهاهاهاهاهاهاهاهاها، راكم عارفين باش غادي نجاوبكم، فهمتيني ولا لا؟

مقالات لكل زمان

11 شيئاً يحدث عندما يشتري صديقك سيارة جديدة

10 أغرب قوانين بسنغافورة يمكن أن توقعك في ورطة

هذا ما سيقع لو كان المنتخب المغربي بأداء نظيره البرازيلي

صور نادرة ل27 مدينة مغربية كما لم تشاهدها من قبل

10 أشياء يفتقدها المواطن المغربي في بلده

مشوار ”الطاكسي الحمر” في إيصال الزبائن بين المآثر والكواكب

أكثر 10 مواقف محرجة يمكن أن تقع لك يوم زفافك

12 نجمة أجنبية خطفن قلوب الشباب المغاربة دون سابق إنذار على إنستغرام

تعيش بعيداً عن عائلتك؟ لدينا وجبات إفطار اقتصادية فقط من أجلك

10 أشياء تميز الأخ الأكبر داخل العائلة المغربية