6 دروس حياة تعلمناها من الفيلسوف المغربي Eddie Pacer

من طرف يوم 23 يناير 2016 على الساعة 19:50

hqdefault

تعرف مؤخرا Eddie Pacer بمقاطع فيديو كان كينشرها فالحساب الشخصي ديالو فـفيسبوك، هضر فيها على الماورائيات والعدمية والسريالية والإبداع والذكاء والاختلاف… بخلاصة، عطا دروس فالفلسفة والحياة.

Eddie هاجر إلى لندن في رحلة بحث وجودية إيتيمولوجية عن أصل كلمة “شينيور” وكلمة “صوصيط“. صدق من قال “ما أتعس حياة الفلاسفة والعلماء”.

كاين لي قالو “كتضرب المزيانة، منين كتقدا أ خويا ؟”، كاين لي قال عليه فيلسوف، كاين لي قال عليه عزوز د 2016. وقالو عليه “سيأتي في آخر الزمان عدمي يحسن القيل، يأتي من الأحاديثِ بما لم يسمع القادوسيون ولا آباؤهم، وذلك هو Eddie Pacer”.

لكن أفكاره ستظل عبرة لمن أراد أن يعتبر. وهذه خلاصة للفيديوهات والأفكار ديالو.

1. قال في الإبداع

ما عندك لاش تبقا تفتاخر قدام الأجانب بأشياء نتا براسك مصوبتيهاش، “عندنا طي جي في، عندنا الويفي… ” داكشي جابوهلك داك الأجانب لي كتفخر عليهوم. “لحاجة الوحيدة لي صوبو المغاربة هيا الطعريجة، شوية د الغيس وجلدة د معزة”.

دير حتا نتا شي حاجة باش متبقاش تفتاخر بالحوايج د ناس لوخرين.

2. قال في الاختلاف

“أنا حرف X كولشي خاصو يكون بحالي، منقبلش يكون حرف Y”

أنا عربي.. أنا أمازيغي.. أنا سني.. أنا شيعي… وأنا أنتمى للقبيلة الفلانية ونحن الأصل، شي لاخور على خطأ.

علاش مدابزين على شي حوايج تزاديتو ولقيتيهوم واجدين أو “ورثوهوم” ؟

3. قال في الاستقرار السياسي

جميع الخلافات لي واقعة بين الذكور تقدر تحلهوم أنثى.

بغيتي سطابيليطي فدول العرب ؟ حط ليهوم مرا يكون عندها واحد القدر من الجمال تحكمهوم.

4. قال عن الدماغ والكون

لحد الساعة ملقاوش حدود للكون، حيث دماغ الإنسان بخياله الواسع أكبر من أنه ينحصر فحدود.

الدماغ أكبر من الكون معندوش حدود، ونتا مقادش تجيب الجديد.

5. قال عن الإنسان

الإنسان هو لا شيء سوى ضميره ومشاعره التي يحمل، أما الجسد فليس سوى وظيفة حيوانية تصارع الموت من أجل الاستمرار بلا هدف

6. قال عن الإنسان بعد الموت

مور ما تموت وتتحلل غادي تولي نبتة وتاكلك بقرة، ومن داك البقرة غادي يصوبو بلغة.

دونك نتا كولك غادي يعفطو عليك فدار الدبغ، ألوغ بلا متكبر.

هكذا تكلم Eddie Pacer.

الكونط د Eddie تعرض لحملة سينيال من طرف واحد المجموعة، يمكن حيث أفكارو خلعاتهوم ومستوعبوش أنهم يكونوا بلغة فرجل شي واحد أو كاشكول فعنق شي عاشقة للموضة.

مقالات لكل زمان

8 أنواع الأشخاص الذين نقابلهم في 'لاصال'

نجوم How I Met Your Mother قبل وبعد نهاية السلسة

دليلك الشامل للاستمتاع بمدينة الرباط خلال مهرجان موازين

7 مهن تبرز التناقض في المغرب وتجعل الحياة قاسية

10 جمل سمعها كل طالب طب 'إكستيرن' في الحصص التدريبية بالمغرب

ازميرالدا وكوادالوبي وروزاليندا، هل توحي لكم هذه الأسماء بشيء؟

أجريت حواراً مع شخص لا يتكلم ولا يسمع، وهذا ما كشفه لي ..

10 أكلات غريبة الإسم ستجدونها في المغرب فقط

10 أشياء بسيطة ستجعل حياتك أفضل

معلومة غريبة .. أولياء صالحون بالمغرب يتبرك بهم المسلمين واليهود معاً