10 أنواع الطلبة الجامعيين بالمغرب، فأي نوع أنت ؟

من طرف

طلبة الجامعة تجدون فيهم أنواعا مختلفة، مثلهم مثل جميع الناس. يجمعهم مكان واحد، لكن الهدف يختلف من شخص إلى آخر. اليوم سنتعرف على عشرة أصناف منهم، فشاركونا برأيكم ومن أي نوع أنتم ؟

1. أول طالب(ة) غادي نتكلمو عليه وهو الطالب اللي كاتلقاه شاد ديما أول بلاصة فالمدرج

ويا ويلك ويا سواد ليلك تقوليه عافاك واخا تكحاز شوية، كايضرب ليك واحد الشوفة فحال اللي غادي يتخلى على الثروات ديالو ماشي بلاصة مصنوعة من الخشب. 

12915110_1704662593156561_1579191643_o

2. الطالب(ة) اللي إلى سولتيه على سمية ديال الأستاذ ديالو ما يعرفهاش وحياتو كلها دايزة فBUVETTE

حاضي الداخل والخارج، الأخبار ديال الجامعة كاملة موجودين عندو، البق ما يزهق.

12919288_1704662446489909_1229277932_n

3. الطالبة ليتقد ضرب ليك الطريق إلى الجامعة، مع العلم أنها كتجي فالطوبيس، ولكن الطالون ديالها ديما حاضر معاها

ما يمكنش ليها تفكر تخلى على الأناقة ديالها واخا على حساب الشقا ليغاديا تضرب (إيوا شنو على مالها هي تضرب لك السبرديلة، وا يمكن ليها تلاقى فارس الأحلام وشنو تبان هي مبهدلة قدامو).

11691515_1048713515161870_914821452_n

4. الطالب(ة) ليكتسولو عافاك أخويا واخا تخلي ليا الملاحظات ديالك راه ناقصاني شي حاجة، ويقوليك سمح ليا راه طالبيني عليهم قبل منك

المهيم لخبار فراسكم، الأخ هي مابغاش يدير ليكم الفرطة ويقول ليكم “لااااااااااااااااااااااااااااااااااااا”.

5. الطالب (ة) ليكايدير التبزنيسة فالدروس والسيد عندو جميع الأوراق من عام الحرب العالمية

واتقدر تكون فالدرس والأستاد كايهدر وهو راه عندو دكشي ليكايقول الأستاذ، كيف كايدير هادشي ؟ العلم عند مولانا.

12899940_1704661776489976_204206057_n

6. الطالبات اللي حتى كاتبقى دقائق معدودة من الدرس عاد كايدخلو

والله يخليكم، الإنسات المصونات دايرين دراسة على الأستاذ عاد كايديرو قصف الجبهة… واناهو عرض الأزياء هو، واناهو ماكياج ديال آخر دقيقة وكايدخلو يتستفو كي شي لجنة التحكيم والأستاذ فيناهو ؟ رااااااااه كايحلم مسكين كايسحاب ليه شاف الجنة وهو باقي حي. أ سبحاااااااااااااان الله أ أستاااااااااذ، الأرض تنادي.

41778fdf-9e4f-4f08-8dd9-ed0fc11860e5

7. الطلبة ليغادي نهدرو عليهم دابا هم أكثر ناس كايفرحو ليك قلبك، وفي آخر لحظة وقبل ما دخل قاعة الامتحان، كاتلقاهم قرروا أنهم يديرو إضراااااااااااب

وبالطبع راه ديك الساعات كانوليو أسعد الناس على وجه الكرة الأرضية، المهم حافضين الدرس ولا لا ما كايهمش، حيت راهم دخلو الفرحة على قلوبنا.

12899723_1704661769823310_2116685231_n

8. هاد النوع هادا وهو النوع ليداخل سوق راسو، تسولو على حاجة يقوليك ما عرفتش وهو كلشي ما عارفوش

يلحق نهار النتائج كايجي هو الأول، حيث بكل بساطة هو كان عارف كلشي ولكن فضل يدير اللعبة ديال هبل تربح.

9. النوع ما قبل الأخير وهو اللي جاي متيق داك الأفلام الميريكانية وكايسحاب ليه الجامعة كلها مغامرات وأكشن وداكشي ديال القصص

إوا الحاصول ماغاديش يدوز حتى شوية وغادي يلقى النهاية ديال القصة ديالو قبل من البداية…

11832885_1220551644628719_1783894124_n

10. الطالب (ة) الأخير وهو ليجاي يقرا وصافي ما هو لا رقم 1 ولا 2 ولا حتى واحد منهم، داخل يقرا وصافي

حيت سالا وخدا الباك وما لقا ما يدير، بانت ليه لافاك قال بسم الله ودخل يقرا.

11781308_10153502136396064_47461197_n

أعيش اليوم على أنه أخر يوم في حياتي فان لم يكن اليوم سيكون غدا.

مقالات لكل زمان

إختبار: ماهي نسبة مغربيتك؟

10 تضحيات يقدمها الأب ولا يبوح بها أبداً

أغانِِ كلماتها لا تعني شيئاً، حفظها المغاربة وحققت ملايين المشاهدات

10 أشياء تسعد عشاق كرة القدم المغاربة

هذا ما يحصل عندما تتأثر الفتيات المغربيات بالمسلسلات التركية

6 أشياء تميز مجموعة واتساب العائلة المغربية

أسئلة لطالما أردت طرحها على شخص قضى 4 سنوات في الجامعة المغربية دون أن ”يڤاليدي S1”

12 صورة لم ترها من قبل لحفل زواج الأمير تشارلز والأميرة ديانا

9 أشياء تفعلها عندما تلتقي أصدقاء الفيسبوك لأول مرة

أسئلة لطالما أردت طرحها على مغربي شارك في برنامج ”عيش سفاري”