الكذب هو الشيء الذي نبهتنا منه أمنا أو أبونا منذ الصغر، فعند الكذب كانت العواقب دائما وخيمة، لكن في بعض الأحيان تلك الكذبات هي من أنقذنتنا من عقوبة لا مفر منها ولا يحمد عقباها.
اليوم سنقدم لكم أشهر 10 كذبات، اضطررنا إلى اختراعها للنفاذ من العقوبة.
1. أنا غادا نمشي نراجع عند صاحبتي
والأصح أنه أنا غاديا نجمّع مع صاحبتي.
2. الامتحانات قربوا وهانبدلو الجو نمشيو نراجعو فالقهوة وحنا مجموعين
الأصح أنه غاديين نتقهواو وصافييييييييي.
3. النقاط ديال الامتحان مازال ماخرجو
والأصح أنهم خرجو وهادي مددددددددددددددددددة.
4. واراه القسم كامل جاب تحت المعدل
الأصح أنك الوحيد ليقفرتيها.
5. إلى سولوك فين مشا واحد الكاس، كاتقول ماعرفت أش داني للكوزينة
الأصح أنك هرستيه ورميتيه وهما ماجايبين خبار.
6. إلى سولوك واش حافظ دروسك، كاتقول معلوم هي كايتحط الدرس راه كانحفظو
الأصح أنك ما عارف حتى المقرر علاياش كايهدر.
7. إلى سولوك فين خارج ؟ كاتقوليهم هاندرب هي دويرة ونرجع
والأصح أنك داير بلان وناوي هاتحيح نتا وصحابك.
8. إلى سولوك عامة على أي حاجة كاتقوليهم نسيت
الأصح نتا مانسيتيش، هاد الكلمة كاتسلكك وتخرجك من المشاكيل.
9. إلى سولوك فيناهيا السخرة ؟ كاتقول ليهم الحانوت ساد
الأصح أن حماد مول الحانوت راه حالف مايسد، ولكن نتا لقيتي الدراري مجموعين وبقيتي مجمّع.
10. الكذبة الأخيرة وهي فاش كايقربو يعيقو بيك كاتكذب، كاتخرج عينيك وتقول ليهم واش مالكم ماكاتيقونيش واش أنا ولدكم ولا ماشي ولدكم ؟
ومن هاديك الدقيقة الوالدين مساكن كايبدا يخدم عندهم الوتر الحساس وكايحنو ويقولو مسكين موحال واش يكون كايكذب.
والسلااااااااااااااااااااااااااااااااااااااك وصافي.
