المواطن المغربي فريد من نوعه، طور لسنوات عادات مختلفة، أقل ما يقال عنها أنها تتناقض بينها. فلا ندري أي نوع من التجارب قادتنا للقيام بما سنسرده في المقال.
1. البوطة ديال الغاز من مبدأ السلامة مخاصهاش تكون فيها لافويت
لهذا كتستعمل البريكة، 50% تفرقع 50% لا، ولكن هانية عادي.
2. فالغدا المرقة هي الأساس
الهدف التغماس، أما الخضر وداكشي غير باش يبان الطبسيل عامر.
3. كاع المغاربة كيمشيو عند الكيني البلدي: لي هو الكساااال
4. خصك دير المزيان مع المقدم، أي واحد كيسول عليك غيقصدو هو الاول
5. ملي كادق ويسولو شكون، كتقول « أنا »
وتستغرب إلا معرفوكش، باز..
6. ملي كتقطع الطريق، تقطع في أي بلاصة من غير ممر الراجلين
7. تقدر دير جملة فيها 3 ديال اللغات، نوغمال، نو بروبليم
8. التران مشا عليك، الغدا تحرق، التيليفون ماصوناش باش تفيق، أرضية الملعب عيانة، الموهيم هو انت ديما زوين
9. تعيط فنصاصات الليل وتقول « ياكما فيقتك؟ »
باش تسول على أشياء بحال: إيوا فين نديرو قهيوة غدا؟
10. ملي كتخدم فالمقاطعة
وخا التوقيت متواصل، فالغدا خصك ترجع للدار تغدا ودير القيلولة عاد ترجع، شي موشكيل؟
