إيلا جينا للصراحة، كولشي كان كايكره لقراية، ولكن، المشاغبين،- الي يمكن انتا واحد منهوم ! – كانوا عزاز عليهوم هاد الأنواع د الأساتذة .. كانوا كايموتوا عليهوم لأنه ببساطة، في الدم ديالهوم، كاينة المورثة ديال الشغب.
نخليكوم مع اللائحة الأسطورية للأساتذة المحبوبين من طرف المشاغبين :
1- الأستاذة الحــاملــة
تتكون كثيرة الغياب، ديما حاملة، لدرجة أن الشكوك كاتبدا، واش هاديك الكرش بصح و لا لا.
2- الأستاذ المتساهـل
تيفرق النقاط بحال الحلــوى .. تمنطاش، تسعطاش، شكون قال، مابقاش مابقاش !
3- الأستاذ العصبي
لأن نرفزته متعة، فيتم ضربه بالكواغط الطائرة و ما إلى ذلك من وسائل التغضيب الديماغوجي للاستمتاع بنرفزاته المضحكة.
4- الأستاذة الخوافة
يمكن احضار فأر أو سراق الزيت للقسم وأراك للفراجـة…
5- الأستاذة المتبرجة
عرض سنمائي مجاني.. التلميذ اللي ماعمرك شفتيه، كايجي يسقي عينيه فديك الحصة.
6- الأستاذ الكوميدي
كيــن غالنكت والتقشاب، قشابتو واسعة، وفالحصة، نوض، نقز، تسارى، لعب. نو بروبليم !
7- الأستاذ الكثير الخروج من القسم
فواصل اشهارية كثيرة وألعاب مختلفة داخل القسم. ايوا اراك للشعبي ! 
8- الأستاذ الكتير الغياب
عطل كثيرة واستجمام في الفصل، وزيارات لمختلف الاقسام من طرف التلاميذ.
9- الأستاذ المحشش أو النعسان
راجل مزيان، ديما نعسان. سداري دوليدول، يا سلام.
10- الأستاذ المخترع
ماكاين غي التجارب والأرانب والتجارب وداكشي.
أستاذ، والتجربة د التوالد عند الإنسان، وقتاش ؟
11- أستاذ السبور المنحرف
دراري، هاكو كورة!
لبنات، الجييييمناستيك !
يونس وخويا
طالب بالمدرسة الوطنية للتجارة و التسيير بالقنيطرة، 21 سنة، و مدون بصفحتي الخاصة"Ana ou Rassi". شغوف بالقراءة و الكتابة و برياضة التيكواندو...و محب للمرح و السفر. وكذا دكتور في علوم الكسل و النوم الديماغوجي.