الطفولة مرحلة مهمة في الحياة، حيت فيها كيتعلم الطفل المبادئ اللي غادي يكوْنُو الشخصية ديَالو مين يكبر. كَوْن أنّنا تزَادينا فالجيل ديال التسعينات عندو واحد القيمة مضافة مقارنة مع الأجيال اللي سبقونا واللي لاحقين علينا، علاش؟ لأن هاد عشر سنوات تعتبر كمرحلة انتقالية مابين الجيل القديم والجديد، الجيل التقليدي والحديث… داكشي لاش كايتسما بالجيل الذهبي، حيت كانت الطفولة ديالكوم مميزة وممتعة للعديد من الأسباب والي اخترنا ليكوم من بينها :
1- قريتو الإبتدائي مين كانو 3 دورات في السنة الدراسية، وأيام النشاط العلمي، التفتح الفني والقراءة القديمة
2- النتائج ديال نهاية الدورة كانو فبحال هاد الورقة وبنفس اللون
3- تفرجتو فالماتشات ديال الليغا والتشامبيونز ليغ ف دوزيم
4- كنتو كاتخرجو من المدرسة كاتمشيو طايرين للدار باش تفرجو فالرسوم
5- شحال كليتو فدانون والمسكة و شريتو باكيات ديال التصاور باش تعمرو الدفتر ديالهوم
6- سمعتو للموسيقى فالوالكمان « كاسيط أو سيدي » قبل مايبان mp3
7- عصرتو فالبيار وقصّرتو ف « king of fighter » وبابي فوت ولعبة مصطفى
8- لعبتو ألعاب الشارع: الدراري الطرومبيا واللبي، والبنات الحبل ولاسْتِيك وشرِيطة … والقائمة تطول
9- كتبتو فألواح الطباشير وخدمتو فالألواح الذكية
10- غزوتم الأنترنت أيام عزه: أيام السكيبلوغ, الإيميسين، ياهو ومنتديات ستارتايمز
11- لعبتو فالأتاري والغيمبوي وملك النمور الذهبية والبليستيشن 1، والان تعاصرون البلي 3 و 4 والإكس بوكس
12- لعبتو أيضا فالدودة ديال نوكيا 3100، وواكبتو التطور ديال الهواتف النقالة
13- كنتم عشاق لمشاهدة الرسوم المتحركة فسبايس تون و إم بي سي 3 وآرتينز
14- استمتعتو برسوم متحركة اللي الكل يشهد بروعتها، وحفضتو أغانيها، ومازلتم ترددوها للآن لأنها عمرها ماكاتقدام
15- قريتو القصص ديال محمد عطية الابراشي والمكتبة الخضراء ومجلة العربي الصغير
16- وهاد بيموات، تا كلمة ما توفّيهم حقهم
17- وأخيرا، العلاقة مابين هاد الجوج مايعرافش غيركوم
ستبقون دائما مميزين بذكريات طفولتكم الجميلة لأنها ستبقى خالدة في أذهانكم، ذكرياتكم التي لم ولن يفهمها ويقدرها سواكم : أبناء الجيل الذهبي.
أسامة اعقيقب
طالب علم ... شغوف بالفن، الموسيقى و المطالعة... انساني و مدون في سيرة أتعس السجناء. أحلم بعالم بدون ظلم، فقر، شقاء و جوع... سيتحقق هذا يوما ما بفضل أبطالي و منقدي اللإنسانية : العلماء.