نقدم لكم اليوم عشرة أنواع الأشخاص عند استيقاظهم باكرا.

1.ليفايق كايغني

هاد النوع إلى شفتوه عرفو باللي راه مصبح على شي رسالة هاتفية من دكشي الرفيع.

2.ليفايق على الرياضة

هاد صحابنا أكثر وحدين كانستغربو لحالتهم، حنا يا ربي نديرو هي الرياضة ديال الفياق.

3. ليفايق على النشاط

نتا كاتقاتل هي مع الوقت ويا ربي يكفيك وهو راه ناض ونشط ومشط ووجد فطور ديال5 نجوم.

4. ليفايق معصب

قلب الطريق إلى شفتيه قدامك.

5.ليفايق كايضحك

وهاذا زعما اشنو هايكون حلم باش كايضحك حتى لهاد الدرجة…

6. ليمافايقش أصلا

هذا يقدر يدير بناقص من النوضان حيث بكل بساطة ما تابعو والو.

7. ليكايدير stop

هذا واخا يدير 10 ديال المنبهات، هي كايبداو يزويو كايسكتهم كاملين.

8. ليكايفيق قبل الوقت

هادا مسكين نهار ينوي يصبح ناعس كاضربو فيقا على النبوري، دكشي هي بالعكس.

9. ليكايفيق مبنج

هادا خصو واحد نص ساعة وهو مبنج ما يهدر ما يتكلم، هو هاكاك كايخدم خاصو وقيتا باش يلاه يحس على راسو فالعالم الواقعي.

10. ليكايفيق كايحب

وهو هاد النوع قليل ولكن موجود. كاينوض صباح كايصبح على البوسان لجميع أفراد العائلة فردا فردا ويكثر من كلمة كانبغيكم منين كايفيق حتى كايخرج من الدار، أما واحد الصواب والأدب تقول هادا قاري فشي مدرسة عالمية ديال الإتكيت.

The post 10 أنواع الأشخاص عند استيقاظهم في الصباح الباكر appeared first on Welovebuzz - عربية.