الأسبقية دائما لل »فاميلا »، إيلا مالقاوكش آيتقلقو.

وفينما كاتفكر فالسعادة لي عايشينها صحابك… كاتولي بحال هاد راس الكارطونة:

2. ماعندكش الحق تنعس فبلاصتك

ينعس ف ناموسيتك، وانت فرش فالارض. الظلم هذا !

مرحى، مرحبا بليال بيضاء دون نوم.

3. كاتولي « كيد توريستيك » بالزز منك

اللي خرج خاصك تخرج معاه، توريه فين يمشي…

4. تولي ضروري تجاوب على الأسئلة البليدة ديالهوم

واه، كبرتي، هي وقتاش آنفرحو بيك إن شاء الله ؟
موصيبة، كارييثة…

5. تسمع جمل من قبيل: « راك شرفتي… وفيروز بنت خالتك دارت عقلها… إيوا ؟ « 

إيوا شنو ؟
وا فوتوني عليكوم، أنا ماباغي لا نتزوج لا ندير الدراري، وا بعدو مني.

6. كاتولي مضطر تسمع جمل من قبيل:  » حنا أون أوغوب ماعدناش هادشي هاكا، نتوما أو ماغوك … »

على أساس الإخوان من السويد الشقيقة.

وكاتبغي تقول ليهوم، مانتوما مغاربة، مانتوما أوروبيين، إذن …

7. خاصك تلعب دور Garde de corps مني يمشيو بناتهم للبحر.

ويبقاو يوصيو فيك واليديهوم، وانت الداخل ديالك باغي تقول ليهوم : « اللي عندو شي بنت يحضيها ولا يشدها عندو ».

8. خاصك تستحمل لبراهش ديالهوم

وفي كل مرة كاتجيك ديك الرغبة الجامحة تلوح شي واحد فيهوم من الشرجم، تلعن الشيطان باش ماتسمعش الديسكور الشهير « حنا كانجيو غا جوج جوغ باش نشوفوكوم من لوغوب. وكاتضربوا لينا ولادنا، لي مربيين أحسن تربية، تربية ديال لوغوب. »

وا قهرتونا !

9. خاصك أي حاجة ديالك تشاركها معاهوم

التلفازة ماشي ديالك، بيتك ماشي ديالك، البيسي ديالك تا هو ماشي ديالك… كولشي ديال لفاميلا.

نتا وشوية يورتوك.

وكاتحس بيهوم بالفن، كايديرو ليك بحال هاكا:

10. تصبر على العياقة ديالهوم

وخاصة الفكرة ديال هوما عندهوم فلوس، هوما متحضرين، ونتا را راك عايش فمستنقع التخلف.

وانت ؟ شنو الحاجة اللي ماكاتحملش مني كاتجي لفاميلا من أوروبا ؟

The post 10 أشياء تجعلك تكره قدوم العائلة من ديار المهجر appeared first on Welovebuzz - عربية.