لا داعي للمقدمات، MSN غني عن التعريف، وأضعنا به ساعات طوال من عمرنا أمام شاشات الحاسوب، أو في مقاهي الانترنت باحثين عن الصداقة وداكشي…
1 – كانت شحال ما عندك ديال لي كونتاكت شحال ما نتا مريڭل و كووول
2 – الناس اللي كانوا كايبدلو الحروف بإيموتيكون كانوا كايجيبو ليك الدوخة (ولا نتوما نيت كنتو منهم)
3 – كاتبقا تطلع ٱونلاين و ٱوف لاين بزاف ديال المرات باش يلاحظوك الناس.. شوفوني بلز
4 – كاتفقص ملي شي حد كايبقى يكتب يكتب… وفالآخر ما كايصيفطش الميساج..
5 – ويييييييييز وييييييييييز ويييييييييز
6 – ملي كايأجوتيوك لشي چروپ فيه شي واحد نتا مبلوكيه.. الفرشة..
7 – كاتعرف را خونا مسالي قبو ملي كاتكون سميتو
‘°º¤ø,¸¸,ø¤º°`°º¤ø,¸HàmiiÎid HàmidsöoÔnº¤ø,¸¸,ø¤º°`°º¤ø,¸’
8 – ملي كاتصيفط شي مصيبة، « سمح لييا را خويا الصغير كان داخل بلا مانكون »
9 – كاتعجبك دير فستاتو: » غادي باش ناكل »
10 – ضروري كان عندك كونت خور ديالك لأغراض استكشافية (و باش تأجوتي راسك هههه)
11 – الكاميرا خاسرة، الكاسك ما خدامش…
12 – ملي شي واحد كايغبر عليك كاتسول صحابك واش أونلاين باش تأكد ياكما بلوكاك
13 – شحال من صديق تعرفتي عليه مزيان عن طريق MSN :’)
14 – وضروري عندك شي صاحبك ولا صاحبتك ديما أونلاين كايحصلك ملي كاتكونيكتا
15 – سلم سف؟ سف ونتا؟ سف مرس. باي.
ضروري نكونوا نسينا شي حاجات، تعليقاتكم مرحب بها.
