إليكم المناطق التي يمكن زيارتها بالمغرب في فصل البهجة والجمال:

1. منطقة ستي فاطمة، مراكش

breakinthedesert.com

2. مدينة قلعة مكونة

planetware.com

3. شلالات أوزود

www.moroccosandseatours.com

4. جبال الأطلس

www.art-et-loisirs.com

5. بحيرة بين الويدان، بني ملال

upload.wikimedia.org

6. منطقة إموزار كندر

7. عين فيتال، إفران

farm3.staticflickr.com

8. منابع عيون أم الربيع

marbaez.webs.ull.es

بالتأكيد ما هذه إلا بعض المناطق الجميلة في المغرب، فهذا الأخير يزخر بالعديد من الأماكن والمناظر الجميلة والخلابة التي تريح العين والقلب بمجرد النظر إليها، فما بالك بزيارتها.

و أنت، ماهي المناطق التي ستقوم بزيارتها في فصل الربيع؟ 

The post 8 أماكن خلابة التي يمكن زيارتها في المغرب في فصل الربيع appeared first on Welovebuzz - عربية.

رسميا، وبعد سباق طويل، تمكنت البنوك الإسلامية، إو ما يعرف بالبنوك التشاركية، من الظفر بفرصة وجودها على الساحة الوطنية.

بعد مرور بضعة أيام على ترسيم هذا القرار، تباينت آراء المغاربة بين مؤيد ومعارض، وكل منهم يحمل في جعبته ما يحمل. وفي هذا الصدد، انتشرت مجموعة من الصور الساخرة، غير أنها كانت على الأكثر غير عادلة وغير ناصرة لهذه البنوك الحديثة الولادة، فقد صبت معظمها في اتجاه الانتقاد.

هذا وقد دعا ثلة من العلماء والفقهاء إلى مناصرة البنوك وحث الشعب على التعامل معها عوض البنوك الربوية، بدون اعتراض أو إدعاء أن الإثنين لا يختلفان عن بعضهما البعض، بل الفرق بينهما واضح، فالاختلاف يكمن في الوسيلة المستعملة وليس في الغاية المنشودة.

وردا على من يقول أن البنوك الإسلامية تتعامل بالربا بشكل أو بآخر وبدون شكل علني، فيجيب أحد المهتمين أن البنك هو مؤسسة مالية، سواءا أكان إسلاميا أم ربويا، لها أهداف نفعية وليست مؤسسة خيرية أسمى أهدافها مساعدة الآخر دون أي ربح. فكما أشارنا سالفا، إن البنك الإسلامي لا يختلف عن نظيره الربوي في طريقة التسير والتعامل. لنفترض جدلا أن البنوك التشاركية تساعد الآخر بناءا على معتقدات لا أصل لها ولا فرع، فمن أين ستؤدي هذه المؤسسة حقوق موظفيها إن لم تكن تضخ أرباحا من أنشطتها؟

The post وجهة نظر: المغاربة بين مطرقة الربا وسندان البنوك الإسلامية appeared first on Welovebuzz - عربية.

1. الموظف(ة) اللي ديما حاضر ناضر

إلى قالوا ليه 9 ديال الصباح راه هي 9 ما فيها لا هادي ولا هادي، وإلا قالو ليه تخرج مع 6 ديال العشية هي 6 هادشي مافيهش اللعب. ولكن واش عرفتو السبب الرئيسي ؟ خونا فالله خدام فشركة خاصة، البق ما يزهق وخصوصا إلا كان فداك الشركات ديال لهييييه ليجايين للمغرب وجايبين معاهم النظام ديال برا.

2. الموظف(ة) النشيط  

هاد الموظف هو اللي الله واعلم أش كاياكل على الصباح، كاتلقاه ناشط وماشط، مريح ومزاجه مخير. كايجي الصباح كايسلم على كلشي واحد واحد، أصلا الابتسامة ما خاطياهش وإلا رشقات ليه وحلف عليك والله حتى يخلص على كلشي شي فطور فاعل تارك ! علاش هادشي كلو ؟ بكل بساطة حيت هو الموظف النشيط !

 3. الموظف(ة) الحشومي

هاد خونا فالله ديما حاط عينيه ف pc و تقوووووول واش يطلع العين إلا سمع هي سمية ديال المدير يزيد يخشي عينيه ف pc هي باش ما يشوفوش. إلا هدر معاه شي حد وجهو ولا قوس قزح ! وا علااااااااش كايحشم ؟ الله اعلم دكشي بسيكولوجي ! إوا وإلا زغبو الله وجات شي بنت تهدر معاه، السيد هي عيطو ليه على صحاب الإسعافات الاولية. راه جمد !

4. الموظف(ة) الضحوكي

مني كايكون كلشي خدام ما عليهم ما بيهم حتى كاتلقى كلشي شد البورطابل ديالو ودقيقة وجوج كاتلقى الهرج !  شي نكتة سيفطها لكل واحد فالمكتب. واهو كلشي يديرو إلا ويبخل على شي واحد بشي نكتة دايز ليها الكلام ! أما المقالب بلا مانهدرو عليهم، هاديك هي الاستراحة ديالو كايدوزها كلها ضحك ولعب. ما عندو ما يدار خاصو ضروري يفوج على راسو بشي حاجة كاضحك.

 5. الموظف(ة) المثالي  

هادا هو اليد اليمنى لمول الشي، كاتلقاه ديما واجد يسمع سميتو يطير معا الطيور ! هي يعيط ليه كايمشي كايجري كي عويطة. هو ديما موجد ما يقول، أصلا حتى إلا طلبتي منو شي حاجة كاتلقاه موجدها على بكري، إوا شنو هو يتسنى حتى يقولو ليه دير الحاجة عاد يديرها !؟  على سماوه الموظف المثالي على والو ؟ 

6. الموظفة النمامة (مع احتراماتنا للبنات)

ولكن بيناتنا وبلا كدوب ؟ شكون كايهدر كثر ؟ البنات ولا الولاد ؟ هاذ الموظفة لي ما تملش من الصباح وهي دايرة الرادار ! شكون دخل وشكون خرج ؟ شكون تزوج وشكون طلق ؟  الإشاعات ديال الخدمة هي مولاتهم. عندها رادار ديالها بوحدو كاتشم الريحة ديال شي خبيرة كاتجي هي اللولة توصلهم، وبحال والو إلا لقيتو جوج مدابزين عرف بيلا هي راها تقد تكون السبب.

 7. الموظف مول البلانات  

آخر ماكاين فالسوق هو مولاه. بعد المرات كاتقول معا راسك واش هادا جاي يخدم ولا جاي يتبزنس. الأخ ما كافياهش خدمتو زايد خدما حرة معا راسو ! بالطبع دكشي كايمشي بالحس، ولكن ما بين الموظفين راه معروف، ليحتاج يبيع ولا يعاود البيع فشي حاجة هو موجود. لي تقطع بيه الحبل هو بطل المواقف ديالو، ولكن كل حاجة وعندها ثمن ! كاتساءلو شنو هو الثمن ؟  إوا نتا ووجهك. إلا كنت عزيز ولا هو براسو محتاجك فخدمة ليه هو نيت راه يقدر يخدم معاك بشي حاجة قليلة ويقدر ما يحسب عليك والو ! ولكن إلا كان باغي فيك الخدمة ونيت عقلك فيه العجينة وما عارفش آش ضاير فالسوق، راه هي نغنيو لك : ومشيتيييييييي فيها.

8. الموظفة الحنونة

غالب الأحيان كاتكون هاذ الموظفة كبيرة فالعمر، كاتحس بيها فحال ختك الكبيرة. ديما واجدة باش تصنت عليك وتقدر تسربي الخدمة لي فيديها ودوز تسمع المشاكل ديالك. علاقتها مع الموظفين كاتعدا حدود الخدمة. ديما راها واجدة تسمع لأي واحد إلا عيط ليها. الحاصول، هي واحد الإنسانة لي قليل فين ترد ليك الحاجة فوجهك.

 9. الموظفة الطباخة

هادي راه تقول ما خداماش. إلا شفتيها كاتهدر تقول عندها قناة ديال الطبخ ديالها، وا بزاف. الوصفة ليسمعات بيها كاتجي كاتجري فالصباح تعاودها: « البنات البنات عندي ليكم واحد الوصفة كاطلع غزالة ». وا الأخت، وا سيري جربيها بعدا واجي وزعي الوصفة لي عجباتك. وا هي مامسوقاش، المهم راه دارت اكتشاف عظيم، ولكن ما ظلموهاش والله إلا راها ضرافات ودكشي. منين كاتصيب شي حاجة فالدار كاتجيبها ودوق كلشي. لا لا ختنا صدقات الضرافات الله يعمر ليها الدار.

10. الموظفون الأشباح (إوا نديرو ختامها مسك)  

هاد الموظفين هما المشهورين بزاف فالميدان المغربي. إلا مشيتي لشي إدارة تما بقيتي كاتسنى. عندنا جوج أنواع من الموظفين الأشباح: 1.لي عمرو ما بان، ولكن راه محسوب كاين 2. الموظف اللي كايضرب واحد الفطور معا 10 عاد يجي للخدمة وإلا قلبتي عليه فالظهر راه مشا يصلي الظهر، ونفس القضية فالعصر. السيد مومن بزاف هي كايدخل الجامع ما كايقدش يتفرق عليه، المهم عندو هو المشاركة فالخدمة. كايضرب طليلة مرة مرة ولي بغاه مستعجل يعيط ليه ونبينا عليه السلام.

The post 10 أنواع من الموظفين الذين تجدهم في أية إدارة أو شركة بالمغرب appeared first on Welovebuzz - عربية.

1. أول طالب(ة) غادي نتكلمو عليه وهو الطالب اللي كاتلقاه شاد ديما أول بلاصة فالمدرج

ويا ويلك ويا سواد ليلك تقوليه عافاك واخا تكحاز شوية، كايضرب ليك واحد الشوفة فحال اللي غادي يتخلى على الثروات ديالو ماشي بلاصة مصنوعة من الخشب. 

2. الطالب(ة) اللي إلى سولتيه على سمية ديال الأستاذ ديالو ما يعرفهاش وحياتو كلها دايزة فBUVETTE

حاضي الداخل والخارج، الأخبار ديال الجامعة كاملة موجودين عندو، البق ما يزهق.

3. الطالبة ليتقد ضرب ليك الطريق إلى الجامعة، مع العلم أنها كتجي فالطوبيس، ولكن الطالون ديالها ديما حاضر معاها

ما يمكنش ليها تفكر تخلى على الأناقة ديالها واخا على حساب الشقا ليغاديا تضرب (إيوا شنو على مالها هي تضرب لك السبرديلة، وا يمكن ليها تلاقى فارس الأحلام وشنو تبان هي مبهدلة قدامو).

4. الطالب(ة) ليكتسولو عافاك أخويا واخا تخلي ليا الملاحظات ديالك راه ناقصاني شي حاجة، ويقوليك سمح ليا راه طالبيني عليهم قبل منك

المهيم لخبار فراسكم، الأخ هي مابغاش يدير ليكم الفرطة ويقول ليكم « لااااااااااااااااااااااااااااااااااااا ».

5. الطالب (ة) ليكايدير التبزنيسة فالدروس والسيد عندو جميع الأوراق من عام الحرب العالمية

واتقدر تكون فالدرس والأستاد كايهدر وهو راه عندو دكشي ليكايقول الأستاذ، كيف كايدير هادشي ؟ العلم عند مولانا.

6. الطالبات اللي حتى كاتبقى دقائق معدودة من الدرس عاد كايدخلو

والله يخليكم، الإنسات المصونات دايرين دراسة على الأستاذ عاد كايديرو قصف الجبهة… واناهو عرض الأزياء هو، واناهو ماكياج ديال آخر دقيقة وكايدخلو يتستفو كي شي لجنة التحكيم والأستاذ فيناهو ؟ رااااااااه كايحلم مسكين كايسحاب ليه شاف الجنة وهو باقي حي. أ سبحاااااااااااااان الله أ أستاااااااااذ، الأرض تنادي.

7. الطلبة ليغادي نهدرو عليهم دابا هم أكثر ناس كايفرحو ليك قلبك، وفي آخر لحظة وقبل ما دخل قاعة الامتحان، كاتلقاهم قرروا أنهم يديرو إضراااااااااااب

وبالطبع راه ديك الساعات كانوليو أسعد الناس على وجه الكرة الأرضية، المهم حافضين الدرس ولا لا ما كايهمش، حيت راهم دخلو الفرحة على قلوبنا.

8. هاد النوع هادا وهو النوع ليداخل سوق راسو، تسولو على حاجة يقوليك ما عرفتش وهو كلشي ما عارفوش

يلحق نهار النتائج كايجي هو الأول، حيث بكل بساطة هو كان عارف كلشي ولكن فضل يدير اللعبة ديال هبل تربح.

9. النوع ما قبل الأخير وهو اللي جاي متيق داك الأفلام الميريكانية وكايسحاب ليه الجامعة كلها مغامرات وأكشن وداكشي ديال القصص

إوا الحاصول ماغاديش يدوز حتى شوية وغادي يلقى النهاية ديال القصة ديالو قبل من البداية…

10. الطالب (ة) الأخير وهو ليجاي يقرا وصافي ما هو لا رقم 1 ولا 2 ولا حتى واحد منهم، داخل يقرا وصافي

حيت سالا وخدا الباك وما لقا ما يدير، بانت ليه لافاك قال بسم الله ودخل يقرا.

The post 10 أنواع الطلبة الجامعيين بالمغرب، فأي نوع أنت ؟ appeared first on Welovebuzz - عربية.